Perunyň demirgazyk-günbataryndaky Zanýa sebitinde arheologlar kolumbdan öňki döwür diýilýän eýýama degişli 5000 ýyllyk ybadathana toplumynyň galyndylaryny tapdylar diýip, LiveScience habar berýär.
3-nji iýunda başlanan gazuw-agtaryş işleri köp gatly ybadathananyň diwarlarynyň galyndylarynyň tapylmagyna sebäp boldy. Diwarlaryň arasyndan üç uly adamyň galyndylary tapyldy. Alymlar tapyndylary öwrenenden soň, munuň gurban berilýän ýer bolup biljekdigini öňe sürdüler.
Ybadathananyň diwarlary palçykdan ýasalyp, adam jesetleri, guşuň kellesi, süýrenijileriňki ýaly dyrnakly we pişik pisint jandarlary şekillendirýän çylşyrymly frizler bilen bezelipdir. Diwarlaryň ýokarky bölekleri nakgaş suratly ýuka suwag bilen örtülipdir.
Arheologlar ybadathanadan başga-da, Moçe döwrüne (biziň eýýamymyzyň 600-700-nji ýyllary) degişli ýene bir ýadygärligi tapdylar. Moçe medeniýeti ybadathanalary we sungat eserleri bilen tanalýar.
