Amerikaly aýdymçy Teýlor Swift Şweýsariýanyň Sýurih şäherinde konsert berdi, bu hem kiçiräk ýertitremä sebäp boldy. Bu barada ýerli seýsmologiýa gullugy (SED) habar berýär.
Konsert 9-njy iýulda geçirildi we oňa 50 müň adam gatnaşdy. Tomaşaçylaryň hereketi ýerasty işjeňlige getirdi, üýtgemeler “Letsigrund” stadionynyň töwereginde birnäçe kilometr aralykda sekiz sany seýsmiki ulgam stansiýasynda hasaba alyndy.
Iň ýokary seýsmiki işjeňlik 19:00 töweregi (Aşgabat wagty bilen 22:00), Swift sahna çykandan soň diýen ýaly boldy.
Ýazda Teýlor Swift “Forbesiň” milliarderler sanawyna girdi. Geçen ýylyň dekabr aýynda onuň Eras Tour konsert syýahaty taryhda iň girdejili konsert bolup we bir milliard dollardan gowrak girdeji ýygnap, dünýä rekordyny täzeledi.
