J.D. Power gullugy 2023-nji ýylyň iň ýokary hilli täze krossowerleriniň sanawyny neşir etdi. Barlag ykjam ulaglardan başlap, uly wnedorožniklere çenli ähli ölçeglerdäki we klasdaky modelleri öz içine aldy.
Ford Bronco Sport kiçi krossowerleriň kategoriýasynda öňde durýar, ondan soň Kia Seltos we Soul gelýär. Premium klasda Lexus UX öňde barýar, ondan soňra Audi Q3 ikinji orny eýeledi.
Ykjam krossowerleriň arasynda Chevrolet Equinox, GMC Terrain we Hyundai Tucson iň gowulary diýlip ykrar edildi. Bu klasyň premium segmentinde BMW X4, Alfa Romeo Stelvio we Porsche Macan iň ýokary bal aldy.
D-SUV kategoriýasynda Nissan Murano, Chevrolet Blazer we Ford Edge, premium segmentinde bolsa - Cadillac XT5 we Lexus RX bellendi.
Chevrolet Traverse, Ford Explorer we Kia Telluride Upper Midsize SUV kategoriýasynda öňdebaryjy boldular, Cadillac XT6, Porsche Cayenne we Genesis GV80 bolsa premium segmentinde öňdeligi eýelediler.
Uly wnedorožnikler klasynda Chevrolet Tahoe we Chevrolet Suburban ýokary çykdy, iň gowy premium modelleriň hataryna bolsa Infiniti QX80, Cadillac Escalade we Range Rover girdi.
J.D. Power bu awtoulaglar babatda materialy, kuzowynyň panelleri, elektronikasy bilen baglanyşykly ownuk nägilelikler bolaýmasa, umuman alanyňda, hereketlendirijisiniň işleýşi, podweskasy we beýleki ulgamlarynyň işleýşi nukdaýnazaryndan olaryň häzirki wagtda iň ýokary hilli bolmagynda galýandygyny belleýär.
