Prezident Serdar Berdimuhamedow Türkmenistanyň Serbiýa Respublikasyndaky we Nepaldaky ilçilerini bellemek hakynda Permanlara gol çekdi.
Resminama laýyklykda, Türkmenistanyň Russiýa Federasiýasyndaky Adatdan daşary we Doly ygtyýarly ilçisi Esen Muhammedowiç Aýdogdyýew, şol bir wagtda, Türkmenistanyň Serbiýa Respublikasyndaky Adatdan daşary we Doly ygtyýarly ilçisi (oturýan ýeri Moskwa şäheri) wezipesine bellenildi.
Şeýle hem Türkmenistanyň Hindistan Respublikasyndaky Adatdan daşary we Doly ygtyýarly ilçisi Şalar Geldynazarow, şol bir wagtda, Türkmenistanyň Nepaldaky Adatdan daşary we Doly ygtyýarly ilçisi (oturýan ýeri Nýu-Deli şäheri) wezipesine bellenildi.
Belläp geçsek, Türkmenistan Serbiýa bilen 1996-njy ýylyň awgustynda, Nepal bilen 2005-nji ýylyň oktýabrynda diplomatik gatnaşyklary ýola goýdy.
