Solos kompaniýasy dünýädäki ilkinji emeli aň (AI) kömekçisi birikdirilen ChatGPT-4o-li akylly äýnekleri hödürledi. Täze AirGo Vision modeli töweregiňizdäki dünýäni ýazga almaga hem-de obýektleri kesgitlemek we olar hakdaky soraglara jogap almak üçin generatiw AI-niň güýjünden peýdalanmaga mümkinçilik berýän içerki kamera bilen enjamlaşdyrylandyr diýip, The Verge ýazýar.
Bu äýnek Google Gemini we Antropic Klod ýaly beýleki belli AI modelleri bilen gabat gelýär, olaryň işleýşini giňeldýär. AirGo Vision-iň çarçuwasyna gelýän habarlar barada size habar berýän we surata ýa-da wideo düşürilende çyra bolup hyzmat edýän LED duýduryş çyralary birikdirilen.
AirGo Vision-nyň üýtgeşik aýratynlygy kameraly dakylyp-aýrylýan gollar. Ulanyjylar olary surat modullary bolmadyk görnüşi bilen çalşyp bilerler. Şol bir wagtyň özünde äýnegiň intellektual mümkinçilikleri saklanýar.
Solos entek AirGo Vision-yň goýberiljek senesini we bahasyny mälim etmedi. Kamerasyz AirGo modeliniň bahasy 250 dollar, şonuň üçin kameraly görnüşi azyndan 299 dollar bolar.
