Ýaponiýanyň Milli maglumat tehnologiýalary instituty täjirçilik optiki süýümli kabeller boýunça maglumaty 402 Tbit/s tizlikde geçirip, täze dünýä rekordyny goýdy diýip, Tom's Hardware neşiri ýazýar.
Bu üstünlik tolkun uzaklygynyň öň ulanylmadyk diapazonlaryny ulanmagyň hasabyna mümkin boldy. Barlagçylar 6 görnüşli güýçlendirijini we 37 THz zolakda işleýän optiki ekwalaýzeri ulanyp, 50 km uzaklykdan 1 505 kanal boýunça signallary iberdiler.
Täze rekord öňki rekorddan 25% ýokary bolup, geçirijilik ukybyny 35% artdyrdy. Bu netijäni gazanmak üçin internet-prowaýderlerde eýýäm bar bolan tehnologiýalaryň ulanylandygyny bellemek möhümdir. Bu bar bolan optiki süýümli infrastrukturanyň maglumatlaryň tizligini ýokarlandyrmak üçin ulanylman ýatan köp potensialynyň bardygyny aňladýar.
Bu üstünlik optiki süýümli kabellere ähli prowaýderleriň doly geçip bilmedik, bar bolan mis infrastrukturasynyň bolsa tizligi ýokarlandyrmaga mümkinçilik bermeýän şertlerinde, möhümdir. Optiki kabelleriň we ulgamlaryň täze nesliniň kömegi bilen optiki süýümli kabelleriň ömrüni uzaltmak şunuň ýaly barlaglar arkaly mümkin bolar.
