Ýaponiýada soňky 20 ýylda ilkinji gezek ýena banknotlary täzelendi: olar ýasamalykdan goragly

  • 04.07.2024 14:02
  • 6.9k+

Ýaponiýanyň Banky 3-nji iýuldan 10 müň, 5 müň we 1 müň ýena bahaly täze banknotlary dolanyşyga girizýär. Banknotlaryň dizaýnyna 2004-nji ýyldan bäri ilkinji gezek üýtgeşmeler girizildi diýip, TASS habar berýär.

Täze kagyz pullar gologramma we beýleki tapawutly aýratynlyklar bilen goşmaça goraga eýe boldy, netijede olaryň ýasama nusgasy mümkin däl diýen ýaly.
Täze 10 müňlük banknotyň ýüzüni “ýapon kapitalizminiň atasy” hökmünde belli bolan Eýiti Sibusawanyň (1840-1931) portreti bezeýär, arka tarapynda bolsa Tokio wokzalynyň binasy şekillendirilen.
5 müňlük banknotda ABŞ-da bilim alan ilkinji ýaponiýaly zenan, alym-agronom we pedagog Umeko Suda (1864-1929) şekillendirilen, arka tarapynda bolsa glisiniýa gülleri bar.
1 müňlük kagyz pul lukmançylyk pudagynda öz açyşlary bilen belli bolan lukman Sibasaburo Kitasato (1853-1931) bagyşlanýar. Beýleki tarapynda meşhur grawýura “Kanagawada uly tolkun” şekillendirilipdir.
Öňki 10 müň ýena bahaly kagyz pulda aň-bilim ýaýradyjy Ýukiti Fukudzawa (1835-1901), 5 müňlükde – Meýdzi döwrüniň ýazyjysy Itiýo Higuti (1872-1896), 1 müňlükde bolsa – mikrobiolog Hideýo Noguti (1876-1928) şekillendirilendi.
Täze kagyz pullar kem-kemden köneleriň ornuny tutar, dolanyşykdaky banknotlar tölege ukyplylygyny saklar. Geljek ýylyň mart aýyna çenli tas 7,5 mlrd täze banknot çykarmak meýilleşdirilýär. Ýaponiýanyň ilaty nagt pullary has makul hasaplaýar. Soňky ýyllarda häkimiýetler nagt däl tölegleri işjeň ösdürmäge çalyşýarlar, ýöne olaryň derejesi heniz bellenilen 40% görkezijä ýetmedi.


15.08.2025 19:14
2.1k+

Ýaponiýanyň Türkmenistandaky ilçisi bilen geljekdäki duşuşyklaryň tertibi maslahatlaşyldy

14-nji awgustda Türkmenistanyň daşary işler ministri Raşid Meredowyň Ýaponiýanyň Türkmenistandaky ilçisi Hirosi Sasaki bilen duşuşygy geçirildi. Türkmenistanyň DIM-niň habar bermegine görä, duşuşygyň barşynda diplomatlar ýakyn geljekde meýilleşdirilýän ikitaraplaýyn we köptaraplaýyn görnüşlerdäki duşuşyklaryň tertibini ara alyp maslahatlaşdylar...

11.08.2025 23:14
13k+

Türkmenistan Hirosima we Nagasakiniň atom ýaragy bilen bombalanmagynyň ýatlama çärelerine gatnaşdy

Türkmenistanyň Ýaponiýadaky ilçisi A.Baýramow 6-njy awgustda Hirosimada we 9-njy awgustda Nagasakide agzalan ýapon şäherleriniň atom ýaragy bilen bombalanmagynyň 80 ýyllygyna bagyşlanan çärelere gatnaşdy. Bu barada Türkmenistanyň DIM-niň metbugat gullugy habar berdi...

29.07.2025 18:24
6.9k+

Ýaponiýada zenanlaryň ortaça ömür dowamlylygy 87,13 ýyla deň boldy

Ýaponiýa zenanlaryň arasynda ömür dowamlylygy boýunça eýýäm 40-njy gezek dünýä rekordyny täzeledi diýip, ýurduň Saglygy goraýyş ministrliginiň maglumatlaryna salgylanýan NHK habar berdi. Resmi san maglumatyna görä, 2024-nji ýylda ýurtda zenanlaryň ortaça ömri 87,13 ýaş, erkekleriňki bolsa 81,09 ýaş boldy...

21.07.2025 19:06
6k+

Ýaponiýada dolandyryjy koalisiýa LDP-niň 70 ýyllyk taryhynda ilkinji gezek parlamentde köplügi ýitirdi

20-nji iýulda geçen saýlawlaryň jemi boýunça Ýaponiýada dolandyryjy koalisiýa parlamentiň ýokarky palatasynda zerur orun sanyny alyp bilmedi. Bu barada NHK habar berýär. Liberal-demokratik partiýany we “Komeýto” partiýasyny öz içine alýan koalisiýa gaýtadan saýlanan 124 mandatdan (palatada jemi 248 orun) azyndan 50-isini almagyna garaşypdy...