Koenigsegg Jesko Absolut duran ýerinden tizligini sagatda 400 km çenli artdyrmak we doly saklanmak boýunça täze dünýä rekordyny goýdy. Munuň üçin giperkara 27,83 sekunt gerek boldy diýip, auto.ru habar berýär.
Awtoulagyň tizligini berk 400 km/sag bellikde saklamak başartmady, şonuň üçin ol iň ýokary tizliginde sagatda 412,72 km ýetdi. Şeýlelik bilen, Jesko Absolut 0,98 sekunt tiz bolup, Koenigsegg Regera-nyň geçen ýylky rekordyny täzeledi.
Diňe tizligi artdyrmak üçin 18,82 sekunt sarp edildi (Regera-da bu görkeziji 20,68 sekunt bolupdy).
Şeýlelikde, Jesko Absolut goşmaça üç rekord goýdy:
- 18,82 sekuntda 0-400 km/sag;
- 28,27 sekuntda 0-250 mil/sag doly saklanmak bilen;
- 19,2 sekuntda 0-250 mil/sag.
Bu üstünlikleriň ählisi E85 ýangyjy bilen doldurylan tapgyrlaýyn awtoulagda hasaba alyndy.
Koenigsegg kompaniýasy Jesko Absolut-yň ajaýyp aýratynlyklaryny görkezýän rekord barada wideo hasabatyny hödürledi. Awtoulagy synag-sürüjisi Markus Lund dolandyrdy.
Howpsuzlyk maksady bilen giperkara karkas oturdyldy, Lunduň haýyşy boýunça sürüji oturgyjy One:1 modelinden meňzeş oturgyç bilen çalşyryldy.
