Türkmenistan Eýranyň üsti bilen Yraga tebigy gaz ibermek hakynda şertnama gol çekdi

  • 04.07.2024 07:51
  • 10k+

Türkmenistan tebigy gazyny «swap» usuly arkaly Eýran Yslam Respublikasynyň çäginden üstaşyr Yrak Respublikasyna ibermek hakynda möhüm resminama gol çekişdi.

1 — 3-nji iýulda Aşgabatda «Türkmengaz» döwlet konserniniň ýolbaşçylarynyň Eýran Yslam Respublikasynyň wekiliýeti bilen duşuşyklary geçirildi. Olaryň dowamynda Türkmenistan bilen Eýranyň arasynda gaz pudagynda alnyp barylýan hyzmatdaşlygy mundan beýläk-de ösdürmegiň, hususan-da, türkmen tebigy gazyny «swap» usuly arkaly EYR-nyň çäginden üstaşyr Yrak Respublikasyna ibermegiň meselelerine garaldy.
Duşuşygyň netijeleri boýunça möhüm ylalaşyk gazanyldy. Hususan-da, türkmen we eýran tarapy her ýylda 10 milliard kub metre çenli tebigy gazy satyn almak-satmak boýunça şertnama gol çekdiler. Resminama laýyklykda, türkmen tebigy gazy “swap” usulynda Eýran Yslam Respublikasynyň çäginden üstaşyr Yrak Respublikasyna iberiler. Şeýle-de “Türkmengaz” döwlet konserniniň hem-de Eýran Yslam Respublikasynyň Türkmenistandaky ilçihanasynyň arasynda gaz pudagynda hyzmatdaşlygyň meseleleri boýunça türkmen-eýran gepleşikleriniň netijeleri barada Metbugat habarnamasyna gol çekildi.
Duşuşygyň dowamynda bellenilişi ýaly, Türkmenistan bilen Eýran Yslam Respublikasynyň gaz pudagyndaky bilelikdäki işiniň oňyn tejribesi ikitaraplaýyn hyzmatdaşlygyň mümkinçiliklerini artdyrmagyň berk binýadyny emele getirýär. Şunuň bilen baglylykda, bu ugurdaky hyzmatdaşlygy has-da pugtalandyrmak hem-de Eýrana tebigy gazyň goşmaça möçberini ibermek maksady bilen, Türkmenistanyň çäginde uzynlygy 125 kilometr bolan täze gaz geçirijini çekmek we gaz gysyjy desgalaryň 3-sini gurmak işleri ýerine ýetiriler. Munuň özi Döwletabat — Sarahs — Hangeran ugry we “Çaloýuk” gaz ölçeýji bekediniň üsti bilen Eýran ugry boýunça iberilýän tebigy gazyň häzirki möçberini ýylda 40 milliard kub metre çenli artdyrmaga mümkinçilik berer diýip, Türkmenistanyň DIM-i habar berýär.


04.10.2025 11:12
5.8k+

Türkmenistan Birleşen Arap Emirliklerindäki ilçisini çalyşdy

Türkmenistanyň Prezidenti Baýram Akmyradowiç Baýramowa Adatdan daşary we Doly ygtyýarly ilçi diýen diplomatik derejäni bermek hakynda Permana gol çekdi. Şeýle hem döwlet Baştutanynyň degişli karary bilen, Baýram Akmyradowiç Baýramow Türkmenistanyň Birleşen Arap Emirliklerindäki (Abu-Dabi şäheri) Adatdan daşary we Doly ygtyýarly ilçisi wezipesine bellenildi...

04.10.2025 11:07
6.2k+

Serdar Berdimuhamedow Türkmenistanyň Saud Arabystanyndaky ilçisini belledi

3-nji oktýabrda Hökümet mejlisiniň barşynda Prezident Serdar Berdimuhamedow Türkmenistanyň daşary ýurtlardaky diplomatik wekilhanalarynda wezip üýtgeşmelerini geçirdi. Gol çekilen resminamalara laýyklykda, Muhammetgeldi Nurberdiýewiç Aýazow Türkmenistanyň Saud Arabystany Patyşalygyndaky (Er-Riýad şäheri) Adatdan daşary we Doly ygtyýarly ilçisi wezipesine bellenildi...

04.10.2025 10:42
19k+

Serdar Berdimuhamedow Ahal, Mary, Lebap, Daşoguz welaýatlarynyň etrap häkimleriniň orunbasarlaryny belledi

Prezident Serdar Berdimuhamedow 3-nji oktýabrda Hökümet mejlisiniň barşynda Ahal, Mary, Lebap we Daşoguz welaýatlarynyň käbir etraplarynyň häkimlerinde wezipe üýtgeşmelerini geçirdi. Türkmenistanyň Prezidentiniň gol çeken resminamalaryna laýyklykda, Ahal welaýaty boýunça: Guwançmyrat Aşyrmyradowiç Täşliýew Ahal welaýatynyň Altyn asyr etrabynyň häkiminiň orunbasary wezipesine bellenildi...

04.10.2025 10:32
13k+

Serdar Berdimuhamedow Türkmenistanda täze etraplaryň häkimlerini belledi

3-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň mejlisiniň barşynda ýakynda ýurdumyzda täze döredilen etraplaryň häkimlerini bellemek hakynda resminamalara gol çekdi. Bu barada "Watan" habarlar gepleşiginde habar berildi...