Kononenko Türkmenistanyň Prezidentine we Halk Maslahatynyň Başlygyna hoşallyk bildirdi

  • 03.07.2024 16:11
  • 24k+

Russiýanyň hem Türkmenistanyň Gahrymany, Kosmos işi boýunça «Roskosmos» döwlet korporasiýasynyň tälimçi-kosmonawt-synagçysy, kosmonawtlar toparynyň serkerdesi Oleg Dmitriýewiç Kononenko Türkmenistanyň Prezidentiniň we türkmen halkynyň Milli Lideriniň adyna hoşallyk sözlerini ýollady. Bu barada resmi metbugatda çap edildi.

Kosmonawt watandaşymyz öz ýazgylarynda Serdar Berdimuhamedowa we Gurbanguly Berdimuhamedowa doglan güni mynasybetli iberen gutlaglary üçin tüýs ýürekden hoşallyk bildirýär, şeýle-de Arkadag şäheriniň açylmagynyň bir ýyllygy mynasybetli mähirli gutlaglaryny beýan edýär.
Mälim bolşy ýaly, şu ýylyň 21-nji iýunynda 60 ýaşyny bellän kosmonawt şondan 15 gün ozal — 5-nji iýunda älem giňişliginde 1000 günläp bolan ilkinji adam hökmünde taryha girdi.
Oleg Kononenko dünýäniň 473-nji, Russiýa Federasiýasynyň 102-nji kosmonawtydyr. Türkmen topragynda dünýä inen bu kosmonawt adamyň älem giňişligine gadam goýup gelýän 63 ýylynyň içinde 1000 günläp bu giňişlikde bolan ýeke-täk kosmonawt. Ol Ýere gaýdyp gelende bolsa, bu günleriň sany 1110 güne ýeter. Oleg Dmitriýewiç kärdeşlerine degişli rekordy şu ýylyň 4-nji fewralynda täzeledi, indi bolsa ol her gün öz rekordyny täzeleýär.

«Meniň üçin eziz ýurdum — Türkmenistanda bolup geçýän wakalar hemişe möhüm bolup durýar. Ýurtda gazanylýan üstünlikler meni guwandyrýar. Men Türkmenistanda doglandygyma, şu ýurt bilen baglanyşygymyň bardygyna örän buýsanýaryn» diýýän watandaşymyz O.Kononenkonyň ykbaly Türkmenistan bilen aýrylmaz baglanyşykly. 1964-nji ýylyň 21-nji iýunynda Türkmenabat şäherinde doglan meşhur kosmonawt öz dünýä inen ýerini elmydama süýji ýatlamalar bilen ýatlaýar.


düýn 17:40
7.1k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...

düýn 07:32
6.6k+

Antoniu Guterriş Türkmenistanyň Prezidentine hoşallygyny beýan edip hat ýazdy

Birleşen Milletler Guramasynyň Baş sekretary Antoniu Guterriş Türkmenistanyň Prezidenti Serdar Berdimuhamedowa Awazada BMG-niň maslahatynyň üstünlikli geçirilmegine hoşallyk bildirip hat iberdi. Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty 2025-nji ýylyň 5 — 8-nji awgustynda geçirildi...

27.08.2025 16:43
6.5k+

6-njy sentýabrda Aşgabatda hukuk meseleleri boýunça raýatlaryň jemgyýetçilik kabul edişligi bolar

6-njy sentýabrda Aşgabatda Türkmenistanyň Adalat ministrliginiň binasynda hukuk meseleleri boýunça raýatlaryň jemgyýetçilik kabul edişligi geçiriler. Bu barada «Neýtralnyý Türkmenistan» gazeti habar berýär. Jemgyýetçilik kabul edişligine Türkmenistanyň Adalat ministrliginiň, Baş prokuraturasynyň, Ýokary kazyýetiniň işgärleriniň we Aşgabat şäher adwokatlar kollegiýasynyň agzasy gatnaşar...

27.08.2025 16:22
5.7k+

Türkmenistanyň Prezidenti Moldowany Garaşsyzlyk güni bilen gutlady

Prezident Serdar Berdimuhamedow Moldowa Respublikasynyň Prezidenti hanym Maýýa Sanduwа we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi...