Şweýsariýanyň milli ýygyndysy Ýewropanyň häzirki çempionlary bolan Italiýany ýeňip, Ýewro-2024-üň çärýek finalyna çykdylar.
Berlinde Olimpiýa stadionynda geçirilen duşuşyk 2:0 hasabynda tamamlandy. Gollary Remo Froýler (37-nji minut) we Ruben Wargas (46) geçirdi.
Froýleriň geçiren goly Ýewropa çempionaty üçin rekord boldy - bu goldan öň 31 gezek pas berildi (statistika 1980-nji ýyldan bäri ýöredilýär).
Çärýek finalda şweýsariýalylar şu gün, 30-njy iýunda geçiriljek Angliýa-Slowakiýa jübüdiniň ýeňijisi bilen duşuşar.
1/8 finalyň beýleki duşuşygynda Germaniýa 2:0 hasap bilen Daniýadan üstün çykdy.
Dortmundda geçirilen duşuşyk 35 minutda ýagyş we doly sebäpli togtadyldy. Oýnuň esasy emini Maýkl Oliwer oýunçylary meýdançadan çykardy. Duşuşyk 25 minutdan soň dowam etdirildi.
Oýunda hasap ikinji ýarymda açyldy. Germaniýadan gollary Kaý Hawerts (53-nji minut, pen.) we Jamal Musiala (68) geçirdi.
21 ýaşly Musiala ýaryşda üçünji goluny geçirip, iň köp gol geçirenleriň sanawynda gruziýaly hüjümçi Žorj Mikautadze bilen deňleşdir we Ýewroada üç gol geçiren taryhda iň ýaş oýunçy boldy.
1/4 finalda Germaniýa Ispaniýa-Gruziýa jübüdiniň ýeňijisi bilen duşuşar. Oýun 30-njy iýunda bolar.
