Carnewschina neşiri Xiaomi-niň ikinji elektromobiliniň ýakynda syzan maglumatlaryň esasynda döredilen kompýuter suratlaryny hödürledi. Bu barada IXBT ýazýar.
MX11-iň dizaýny ýapgyt üçekli we has göwrümli kupe-krossower stilinde ýerine ýetirilen. SU7-ä garanda täze awtoulagyň salonynda we ýük goýulýan ýerinde has köp ýeriň bolmagyna garaşylýar. Ol Ferrari Purosangue bilen deňeşdirilýär.
Gürrüňlere görä, MX11 hem SU7 bilen deň platforma esaslanar, ýöne ol has kuwwatly elektrik hereketlendirijilere we kämilleşdirilen dinamika eýe bolar. Awtoulagyň tehniki aýratynlyklary barada resmi maglumatlar heniz ýok.
Xiaomi MX11-iň 2025-nji ýylyň başynda hödürlenmegine garaşylýar. Onuň bahasy SU7 bilen deňeşdirilende has ýokary bolmaly, ol Tesla Model Y, Ford Mustang Mach-E we Denza N7 ýaly modeller bilen bäsleşip biler.
Xiaomi awtomobil biznesini ösdürmäge işjeň maýa goýýar we 15-20 ýylyň içinde dünýäniň iň uly awtoöndürijileriniň bäşligine girmegi meýilleşdirýär. MX11-den başga-da, kompaniýa beýleki modelleri, şol sanda “Kunlun” kod atly elýeterli elektrokary taýýarlaýar.
