Apple özbaşdak bejeriş we anyklaýyş maksatnamasynyň Ýewropa çenli giňeldilendigini mälim etdi. Indi Ýewropa ýaşaýjylary kompaniýa tarapyndan hödürlenýän original ätiýaçlyk şaýlaryny we gurallary ulanyp, iPhone, iPad, Mac we beýleki Apple gurluşlaryndaky käbir döwülmeleri özbaşdak bejerip bilerler.
Bu başlangyç müşderileriň kanagatlylyk derejesini ýokarlandyrmaga we olaryň Apple önümlerini ulanmak tejribesini artdyrmaga gönükdirilendir.
Şeýle-de, özbaşdak bejeriş has tygşytly wariant hasaplanýar, sebäbi ol elektron galyndylary we gurluşlaryň hyzmat merkezlerine äkidilmegini azaltmaga mümkinçilik berýär.
Apple-iň özbaşdak bejeriş maksatnamasy eýýäm 33 ýurtda elýeterlidir. Geljek ýyl ol Kanada hem ýaýradylar.
Özbaşdak bejermek üçin elýeterli gurluşlaryň sanawy 42 modeli, şol sanda M3 prosessoryna esaslanýan täze MacBook Air-i öz içine alýar.
Apple uzak hyzmat edýän önümleri işläp taýýarlamagyň we öndürmegiň esasy wezipe bolup galýandygyny belleýär.
“Iň gowy bejeriş – bu hiç wagt gerek bolmajak bejeriş” – diýlip, kompaniýanyň beýanynda aýdylýar.
