Ilon Maskyň SpaceX kosmos korporasiýasy maýadarlar bilen kompaniýada paýlary satmak barada gepleşikleri geçirýär. Paýnamalaryň biriniň bahasy 112 dollara barabar. Şeýlelikde, tutuş kompaniýanyň bahasy 210 mlrd dollar bilen bahalandyrylýar. Bu barada gepleşiklerden habarly çeşmelere salgylanyp, Bloomberg habar berýär. Geçen ýylyň dekabr aýynda geçirilen maliýeleşdirme tapgyrynda SpaceX 180 mlrd dollar bilen bahalandyrylypdy.
Häzirlikçe gepleşikler dowam edýär we ahyrky satuw şertleri tapawutlanyp biler. Paýnamalaryň mukdary barada hiç hili maglumat ýok.
Çeşmeleriň habar bermegine görä, häzirki maliýeleşdiriş tapgyrynda SpaceX kompaniýanyň işgärlerine we häzirki maýadarlara öz paýnamalaryny satmak mümkinçiligini bermek isleýär. Kompaniýa gepleşikler baradaky maglumatlara hiç hili teswir bermedi.
SpaceX 210 mlrd dollar baha ýeten ýagdaýynda ABŞ-da iň gymmat we dünýäde bu görkeziji boýunça Hytaýyň 268 mlrd dollar bahaly ByteDance kompaniýasyndan (TikTok-yň eýesi) soň ikinji hususy kompaniýa bolar.
