“Tapmaça-2” iki uik-endiň dowamynda 2024-nji ýylyň iň girdejili filmi boldy

  • 24.06.2024 20:26
  • 5k+

Pixar studiýasynyň “Tapmaça-2” («Головоломка-2») multfilmi üstünligini artdyrmagyny dowam etdirýär. Ol prokatyň ikinji uik-endinde ABŞ-da 100 mln dollar ýygnap, 2024-nji ýylyň iň girdejili filmi boldy. Dünýädäki umumy girdeji ýygymy 724 mln dollara ýetdi diýip, Variety habar berýär.

Ikinji dynç günleri petekleriň satuwy birinji dynç günleri bilen deňeşdirilende bary-ýogy 35% pese gaçdy – bu taryhda multfilm üçin iň gowy netijedir. Şeýlelikde, “Tapmaçanyň” dowamy döredijilere ikinji uik-endde asyl bölümiň birinji uik-endde gazanyndan (90 mln dollar) has köp girdeji getirdi.
Demirgazyk Amerikada “Tapmaça-2” 355 mln dollar ýygnady. Multfilmiň üstünligi netijesinde ýylyň başyndan bäri kinoteatrlaryň ýetmezçiligi 23,8%-den 21%-e çenli azaldy.
“Tapmaça-2” ABŞ-da 282 mln dollar we dünýäde 711 mln dollar ýygnan “Dýuna: ikinji bölümden” öňe geçdi. Indiki uly relizler: - “Ümsüm ýer: Birinji gün” («Тихое место: День первый», 28-nji iýun), “Ýigrenji men 4” («Гадкий я 4», 3-nji iýul) we “Dedpul we Rosomoha” (26-njy iýul).
“Tapmaçanyň” ikinji bölümi baş gahrymanlar – duýgularyň Raýli atly gyzjagaza ýetginjeklik döwründe nähili kömek etmäge synanyşýandyklary barada gürrüň berýär. Pixar “Tapmaçanyň” esasynda serial-spin-offy hem taýýarlaýar, onuň relizi 2025-nji ýylda Disney+-da bolar.


şu gün 18:02
502

Gazagystanda geçirilýän "Gorkut Ata" kinofestiwalynda täze türkmen filmleri hödürlenildi

Gazagystanyň Mangistau welaýatynyň Aktau şäherinde geçirilýän «Gorkut Ata» halkara kino festiwalynda täze türkmen filmleri hödürlendi. Oguz han adyndaky «Türkmenfilm» birleşiginiň wekiliýeti festiwala şu filmleri...

şu gün 17:14
546

Netflix Gilýermo del Toronyň “Frankenşteýn” filminiň täze treýlerini görkezdi

Netflix režissýor Gilýermo del Toro tarapyndan düşürilen “Frankenşteýn” romanynyň ekranlaşdyrmasynyň ikinji treýlerini çykardy. Platformada filmiň premýerasy 7-nji noýabra meýilleşdirilýär. Baş keşpleri Oskar Aýzek, Jeýkob Elordi, Mia Got we Kristof Wals ýerine ýetirdi...

şu gün 17:06
742

Jim Kerri kino goşan goşandy üçin “Sezar” hormat baýragynyň eýesi bolar

Aktýor Jim Kerri karýerasynda gazanan üstünlikleri üçin “Sezar” hormat baýragynyň eýesi bolar. Fransuz kinoakademiýasynyň baýrak gowşurylyş dabarasy 2026-njy ýylyň 27-nji fewralynda Parižde geçiriler diýip, Variety neşiri habar berdi...

01.10.2025 18:00
3.7k+

Disney “Haýwanlar şäheri 2” multfilminiň jemleýji treýlerini görkezdi

Disney “Haýwanlar şäheri 2” multfilminiň soňky treýlerini çykardy. Onuň daşary ýurt kinoteatrlarynda premýerasy 26-njy noýabrda bolar. Ikinji bölümde tomaşaçylar ýene-de towşan Judi Hops we tilki Nik Uaýld bilen duşuşar...