Sambuka-di-Sisiliýa italýan kommunasynyň ýolbaşçylary başlangyç bahasy bary-ýogy 3 ýewrodan 12 töweregi jaýy satlyga çykardy. Başlangyjyň maksady - täze ýaşaýjylary çekmek we sebitiň ykdysadyýetini höweslendirmek diýip, CNN habar berýär.
Sambukada beýle arzanlaşygyň geçirilişi ilkinji gezek däl: 2019-njy ýylda şeýle maksatnama ýerli ykdysadyýete 20 million ýewro çekmäge kömek etdi.
Teklip edilýän jaýlaryň meýdany 50-80 inedördül metr bolup, altynsow-goňur daşdan gurlan. Olaryň gurluşy we binýady gowy bolsa-da, abatlanyşa, öň tarapy abadanlaşdyrylmaga, şeýle hem içi bejergä mätäç.
Köne Sarasin töwereginde ýerleşýän jaýlarda demir balkonlar, töwerek görünýän terrasalar, üýgeşik ýaşyl gapylar bar, käbirlerinde limon agaçlary we gadymy maýolikadan kafel pollary bilen özüne çekýän mawritan äheňindäki howlular bar.
“Häzir auksion üçin iň amatly pursat. Häzirki wagtda Italiýada syýahat edýän syýahatçylar we gyzyklanýan alyjylar gelip, jaýlary görüp bilerler "-diýip, kommunnanyň häkimi Juzeppe Kaçioppo mälim etdi.
