Xiaomi 18-nji iýunda Hytaýda tamamlanan 618 satuwynyň uly üstünligi barada habar berdi. Satyn alyşlaryň umumy mukdary 3,6 mlrd dollardan geçip, şeýle statistikany hasaplamagyň taryhynda absolýut rekord boldy diýip, MyDrivers belleýär.
Xiaomi-niň baş müdiri Leý Szýun ähli müşderilere goldawlary üçin minnetdarlyk bildirip, Xiaomi smartfonlarynyň JD.com, Tmall, Pinduoduo, Douyin we Kuaishou ýaly Hytaýyň esasy platformalarynda satuw liderleri bolandygyny belledi.
Aýratynam, Redmi K70 modeli meşhurlyk gazandy, ol Hytaýda hatda iPhone 15-den hem öňe geçip, iň köp satylan smartfon boldy (ol muny başaran ýeke-täk Android smartfony boldy).
Redmi 70E we Redmi Note 13 Pro hem gowy netijeleri görkezip, umumy sanawda, degişlilikde, ýedinji we sekizinji orunlary eýelediler.
Smartfonlardan başga-da, Xiaomi planşetleriň, akylly gapy gulplarynyň, suw arassalaýjy enjamlaryň, tozan sorujy robotlaryň, howa arassalaýjylaryň, wentilýatorlaryň, kameralaryň we beýleki harytlaryň hem satuwynda ösüşi hasaba aldy.
