Hytaýyň Senagat we maglumat tehnologiýasy ministrligi Volkswagen Golf we Golf GTI-niň täze görnüşlerini makullady we modelleriň 2024-nji ýylda Hytaý bazaryna çykjakdygyny tassyklady. Täzelenen awtoulaglar daşarda we içerde döwrebaplaşdyrylan dizaýny aldylar diýip, IXBT habar berýär.
Golf-yň täzelenen görnüşi, häzirki wagtda LED görnüşli gündiz işleýän yşyklar bilen enjamlaşdyrylan faralaryň görnüşini, şeýle hem öň töwereginiň görnüşini üýtgetdi. GTI, aşaky bamperiniň gapdallarynda bäş nokatly LED toparlary bilen tapawutlanýar. Yzky çyralary garaňky dizaýna eýedir we onda adaty we R-Line görnüşindäki gaz çykaryjy ulgamy gizlenendir. GTI goşa gaz çykaryjy shemasy we bogažyň gapagynda GTI ýazgysy bilen üpjün edilendir.
Awtoulaglaryň ölçegleri hem tapawutlanýar: adaty Golf-yň ölçegleri 4289 x 1788 x 1479 mm deňdir, GTI - 4289 x 1788 x 1468 mm. Iki görnüşiňem teker bazasy - 2631 mm.
Adaty Golf kuwwatlygy 118kWt 1,5 litrlik turbo hereketlendiriji bilen, GTI bolsa kuwwatlylygy 162kW 2.0 litrlik turbo dört silindrli hereketlendiriji bilen üpjün ediler.
