Volkswagen Hytaýda ykjam Tharu XR 2024 krossowerini hödürledi. Täze awtoulag häzirki Tharu-dan biraz kiçi we Tiguan L PRO-ny ýada salýar diýip, Hytaý Halk Respublikasynyň Senagat we maglumat tehnologiýasy ministrligine salgylanýan IXBT ýazýar.
Tharu XR bölünen faralar we yzky çyralar, üçekdäki ýükgoýar we görünmeýän gaz çykaryş ulgamy ýaly birnäçe tapawutly aýratynlyklara eýe. Şeýle hem bu model dürli hili tekerli, faraly, radiator gözenekli, öňdäki bamperli we lýukly görnüşlerde hödürlenýär.
Tharu XR-iň ölçegleri - uzynlygy, ini we beýikligi degişlilikde 4355 x 1762 x 1605 mm, teker bazasy - 2651 mm. Şol bir wagtda, häzirki Tharunyň ölçegi 4458 x 1841 x 1632 mm, tekerli bazasy 2680 mm.
Tharu XR iki görnüşli benzin hereketlendirijisi - 81kWt ýa-da 118kWt öndürýän 1,5L benzinli hereketlendiriji bilen hödürlenýär.
Täze krossoweriň resmi bahasy entek yglan edilmedi. Tharu XR -iň şu ýyl Hytaý bazarynda satuwa çykarylmagyna garaşylýar.
