Samsung kompaniýasy özüniň Bixby ses kömekçisini kämilleşdirmegi meýilleşdirýär. Munuň üstünde işlemek üçin Günorta Koreýanyň tehnologiýa ägirdi Siri kömekçisini işläp taýýarlamaga gatnaşan, Apple-iň öňki işgäri Murat Akbaçaky hakyna tutdy diýip, Bloomberg neşiri ýazýar.
Kompaniýa Samsungyň ses kömekçisiniň Siri-den pesdigine göz ýetirensoň, muny düzetmekde inženeriň tejribesine we bilimine bil baglaýar.
Öň Siriniň kontekste we gepleşige düşünişine jogap beren Akbaçak indi Bixby-niň akyl-paýhas ukyplaryny ýokarlandyrmagyň üstünde işlär. Seljerijileriň pikirine görä, bu Samsung-yň ses kömekçisiniň ösüşinde ep-esli öňe gidişligine sebäp bolup biler.
Bu ädim dünýäniň iň iri tehnologiýa kompaniýalarynyň emeli aň ulanýan tehnologiýalary ösdürmäge dalaş edýändikleriniň ýene bir alamatydyr diýip, bilermenler belleýärler.
