NASA 2026-njy ýylyň sentýabr aýynda adamlary Aýa düşürmek üçin ozal näbelli şerti yglan etdi. SpaceX şertnamasynyň meýilnamasyny ýerine ýetirmek üçin kriogen ýangyjyny Ýeriň orbitasyna geçirmeli we bu 2025-nji ýylyň başynda amala aşyrylmalydyr diýip, Kosmos gullugynyň Aýyň barlag ulgamlary bölüminiň başlygy Ketrin Kerner žurnalistlere gürrüň berdi diýip, Naked Science ýazýar.
Ýeriň orbitasynda kriogen ýangyjyny geçirmek Aýa adam düşürmek üçin ulanyljak Starship HLS-e ýangyç guýmak üçin zerurdyr.
Orbitada ýangyç geçiriş uçuşy Starship-iň iki kosmos gämisiniň birleşmegine we ýüzlerçe tonna suwuk metanyň we kislorodyň awtomatiki geçirilmegine degişli çylşyrymly synag bolar. Bu tehnologiýa kosmosda henizem synagdan geçirilmändi.
Skeptikler bu sözlere ABŞ-nyň Milli aeronawtika we kosmos giňişliginiň barlaglary müdirligi Aýa adam düşürmegiň gijikdirilmeginde jogapkärçiligi Maskyň kompaniýasyna ýüklemäge çalyşýar diýip baha berdiler.
Bu talap 2026-njy ýylda Aýa adam düşürmegiň mümkin boljakdygyna şübhe döretdi. Hünärmenler Starship HLS-iň entek doly ösdürilmändigini we SpaceX-iň şeýle çylşyrymly uçuşy amala aşyrmaga entek ýeterlik derejede infrastrukturasynyň ýokdugyny bellediler.
Şeýle-de bolsa, SpaceX Starship-iň synagynda öňegidişlik görkezýär.
