2024-nji ýylyň birinji çärýeginde täjirçilik maksady bilen 38,4 müň daşary ýurtly Özbegistana bardy. Bu görkeziji geçen ýylyň degişli döwri bilen deňeşdireniňde, 24,4 müň adam köp. Bu barada Statistika gullugynyň maglumatlaryna salgylanyp, Daryo habar berýär.
Özbegistana täjirçilik maksady bilen baran myhmanlaryň aglabasy Türkmenistanyň raýatlarydyr. Statistikada olaryň paýy - 23,376 adam.
Ikinji orunda Täjigistanyň raýatlary (11,186 adam) durýar. Ilkinji üçlügi bolsa, owganlar (1087 adam) jemleýär.
Şeýle hem ilkinji onluga Hytaýyň (547 adam), Türkiýäniň (410 adam), Hindistanyň (366 adam), Gyrgyzystanyň (231 adam), Günorta Koreýanyň (227 adam), Eýranyň (115 adam) we ABŞ-nyň (115 adam) raýatlary girdi. Galan ýurtlar Özbegistana jemi 747 adam iberdi.
Türkmenistan bilen Özbegistanyň strategiki hyzmatdaşlardygyny belläp geçmelidiris. 2023-nji ýylda iki ýurduň arasyndaky söwda dolanyşyk 1 milliard 94 million dollara ýetdi.
