4-nji iýunda Türkmenistanyň Mejlisiniň Başlygy D.Gulmanowa Çehiýanyň Türkmenistandaky Adatdan daşary we Doly ygtyýarly ilçisi (oturýan ýeri Daşkentde) Lýubomir Frebortdan ynanç hatyny kabul etdi. Bu barada Türkmenistanyň Mejlisiniň Metbugat gullugy habar berýär.
Mejlisiň Başlygy ilçini jogapkärli wezipä bellenilmegi bilen gutlap, ikitaraplaýyn we köptaraplaýyn esasda üstünlikli ösdürilýän dostlukly gatnaşyklaryň hem-de netijeli döwletara dialogyň pugtalandyrylmagyna gönükdirilen işinde üstünlikleri arzuw etdi.
Duşuşygyň dowamynda ilçi ýurdumyzyň içeri hem daşary syýasatynyň esasy ugurlary bilen tanyşdyryldy.
Duşuşykda taraplar söwda-ykdysady, medeni-ynsanperwer ugurlarda, şeýle hem parlament derejesinde hyzmatdaşlygy ösdürmekde, parlamentara dostluk toparlarynyň işini kämilleşdirmekde gazanylýan netijeleriň ähmiýetini bellediler.
Duşuşygyň ahyrynda Çehiýanyň ilçisi iki ýurduň bähbitlerine laýyk gelýän netijeli hyzmatdaşlygy mundan beýläk-de ösdürmek üçin ähli tagallalary etjekdigine ynandyrdy.
Şol gün ilçi Lýubomir Frebort şeýle hem Türkmenistanyň Daşary işler ministrliginde kabul edildi. Türkmenistanyň daşary işler ministriniň orunbasary Mähri Bäşimowa ilçiden ynanç hatynyň nusgasyny kabul etdi.
