Bolliwudyň T-Series aýdym-saz leýbli birnäçe ýyllap kanala ýazylan adamlaryň sany boýunça öňdebaryjy YouTube kanaly boldy, ol 2019-njy ýylda bu göreşde PewDiePie hökmünde tanalýan Feliks Çelbergden üstün çykdy. Häzir bolsa YouTube-yň lideri ýene-de üýtgedi – birinji orny bloger Jimmi Donaldsona degişli bolan MrBeast kanaly eýeledi diýip, IXBT ýazýar.
Donaldsonyň belleýşi ýaly, 2024-nji ýylyň 2-nji iýunynda MrBeast kanaly T-Series-den öňe geçip, iň köp ýazylanlary bolan YouTube kanaly boldy – oňa ýazylan adamlaryň sany 270 milliondan geçýär.
“Wikipediýa” laýyklykda, MrBeast YouTube-da gymmat bahaly trýuklary surata düşürmäge bagyşlanan wideo žanrynyň öňdebaryjysy hasaplanýar. Onuň iň meşhur wideosy Netflix-iň “Kalmar oýny” teleşounyň real wersiýasy boldy. Kanal uly hemaýatkärlik goldawyny, şol sanda 2023-nji ýyldan bäri Samsung kompaniýasyndan goldaw alýar.
