Hytaýyň “Çane-6” kosmos apparaty Aýyň arka ýüzüne gondy diýip, Hytaýyň Milli kosmos müdirligi (CNSA) habar berýär.
Enjam maý aýynyň başynda Hytaýyň günortasynda ýerleşen Haýnan adasyndaky Wençan kosmodromyndan uçuryldy. 2-nji iýunda irden kosmos apparaty Aýyň arka ýüzünde ýerleşýän, meýilleşdirilen Günorta polýusa - Eýtkene üstünlikli gondy.
“Sinhua” habarlar gullugynyň belleýşi ýaly, enjamyň esasy wezipesi - gonandan soň iki günüň içinde topragyň nusgalaryny ýygnamak. Munuň üçin ol buraw we robot eller bilen enjamlaşdyrylandyr.
Bu missiýa şowly tamamlanan ýagdaýynda Hytaý Aýyň Ýerden seredeňde görünmeýän, arka ýüzünden toprak nusgalaryny ýygnan we Ýere iberen ilkinji ýurt bolar.
