SpaceX äpet Starship raketasyny 4-nji gezek uçurmaga taýynlanýar

  • 01.06.2024 16:40
  • 6248
SpaceX äpet Starship raketasyny 4-nji gezek uçurmaga taýynlanýar

SpaceX äpet Starship raketasynyň dördünji gezek uçuryljak senesini yglan etdi. Ol 5-nji iýuna meýilleşdirilýär diýip, IXBT ýazýar.

Bu Ilon Maskyň kompaniýasy tarapyndan döredilen Starship kosmiki gämisiniň prototipini Ýeriň orbitasyna çykarmak üçin ediljek nobatdaky synanyşyk bolar. Starship-i uçurmak boýunça öňki edilen üç synanyşyk dürli tapgyrlarda şowsuzlyga uçrapdy.
Şeýle-de bolsa, SpaceX öňde duran uçuşyň üstünlikli boljakdygyna ynanýar, sebäbi ähli zerur synaglar eýýäm geçirildi. Uçuşy amala aşyrmak üçin diňe ABŞ-nyň Raýat awiasiýasynyň federal iş toparynyň tassyklamagyna garaşaýmak galdy.
Starship-e we onuň Super Heavy tizlendirijisine eýýäm 10 million funtdan gowrak ýangyç guýuldy.
Bu goýberiliş şowly bolan ýagdaýynda SpaceX özüniň kosmos uçurylyşlary bazaryndaky paýyny ep-esli artdyryp biler. Owal Ilon Mask şu ýyl SpaceX -iň ähli peýdaly ýüküň 90%-den gowragyny Ýeriň orbitasyna çykaryp biljekdigini we Starship-iň uçuşlaryny ýola goýmak başardan ýagdaýynda kompaniýanyň paýynyň 99%-e çenli ýokarlanjakdygyny aýdypdy.
Mundan başga-da, Bloomberg-iň habar bermegine görä, kompaniýa Florida ştatynda Starship üçin täze başlangyç toplumyny gurmagy meýilleşdirýär.


şu gün 15:17
5564

Taryhda ilkinji gezek Aýyň arka tarapyndaky toprak nusgalary Ýere getirildi

Hytaýyň “Çane-6” Aý zondunyň yzyna gaýtaryş moduly Aýyň arka tarapyndan ýygnalan toprak nusgalaryny Ýere getirdi. Bu barada CGTN telekanaly habar berýär. Zonddan paraşýutly zyňylan toprakly kapsula Içerki Mongoliýa...

düýn 13:35
2943

“Çane-6” orbita çykdy: Aýyň nusgalary ertir Ýerde bolar

Hytaýyň Aýyň arka tarapyndan alnan nusgalary yzyna gaýtarmak üçin döreden “Çane-6” kosmos gämisi 53 günlük syýahatyny tamamlaýar. “Çane-6-nyň” 21-nji iýunda Ýeriň orbitasyna çykandygy çak edilýär. Kosmos gämisiniň...

düýn 13:18
3044

Älemdäki kuwwatly partlamalaryň gözlegi üçin SVOM kosmos teleskopy uçuryldy

Hytaý Fransiýa bilen bilelikde işlenip düzülen SVOM teleskop hemrasyny orbita üstünlikli uçurdy. Uçuryş Siçan kosmodromyndan CZ-2C “Çançžen-2-si” raketasynyň kömegi bilen amala aşyryldy diýip, TASS habar berýär...

22.06.2024 20:07
6436

Boeing Starliner-iň yzyna gaýdyp gelmegi näbelli möhlet bilen ýene yza süýşürildi

Boeing korporasiýasynyň iki astronawt bilen CST-100 Starliner gämisiniň orbitadan Ýere gaýdyp gelmegi näbelli möhlet bilen yza süýşürildi. Bu barada ABŞ-nyň Aeronawtika we kosmos giňişligini öwrenmek boýunça milli...