Sony Pictures Entertainment kompaniýasynyň başlygy Toni Winçiguerra studiýanyň emeli aňyň kömegi bilen täze filmleri döretjekdigini aýtdy. Bu, aýratynam, çykdajylary azaltmak bilen baglanyşyklydyr diýip, film.ru habar berýär.
“Biz doly emeli aňa üns berýäris. Häzirki günde filmleri döretmekde iň esasy mesele – çykdajylar. Biz, ilkinji nobatda, emeli aňdan peýdalanmak bilen, hem kinoteatrlar, hem telewideniýe üçin filmleriň has netijeli önümçilik usullaryny gözläris” – diýip, Winçiguerra Sony-nyň Ýaponiýada geçirilen maýadarlar konferensiýasynda aýtdy.
Şeýle-de, ol kompaniýanyň emeli aň bilen işinde geçen ýylky iş taşlaýyşdan soň kärdeşler arkalaşyklary we studiýalar tarapyndan kabul edilen ylalaşyklara bil baglajakdygyny belledi.
