Hytaýyň “Çane-6” missiýasynyň çäginde uçurylan Pakistanyň ICUBE-Q hemrasy Aýyň we Günüň ilkinji suratlaryny aldy.
Emeli hemranyň agramy bary-ýogy 7 kg, ony Pakistanyň kosmos tehnologiýalary institutynyň we Şanhaý uniwersitetiniň alymlary bilelikde döretdiler.
ICUBE-Q, “Çane-6” üstünlikli uçurylandan soň, 8-nji maýda Aý orbitasynda ýerleşdirildi. Ýerleşenden soň gysga wagtyň içinde Aýyň we Günüň suratlaryny aldy we magnit meýdany barada maglumatlary ýygnady.
Gynansagam, hemra öz wezipelerinden birini - “Çane-6”-ny surata düşürmek wezipesini ýerine ýetirip bilmedi.
Şeýle-de bolsa, ICUBE-Q tarapyndan alnan maglumatlar Pakistanyň kosmos programmasy üçin möhüm ädimdir. Bu Pakistanyň ilkinji Aý missiýasy we ýurduň kosmos pudagynda Hytaý bilen hyzmatdaşlygynyň täze tapgyrynyň başlangyjydyr.
Pakistan eýýäm Hytaýyň Halkara ylmy Aý stansiýasyny döretmek taslamasyna goşuldy we geljekdäki “Çane-8” missiýasy bilen ýük ugratmak barada ýüz tutdy.
Hytaýyň Milli kosmos müdirliginiň wekilleri ICUBE-Q tarapyndan ýygnalan we düşürilen ylmy maglumatlary hem-de ilkinji suratlary Pakistan tarapyna geçirdi.
