NASA ýakyn ýyllarda astronawtlary Aýa ibermegi meýilleşdirýär. Bu barada edaranyň direktorynyň wezipe borçlaryny ýerine ýetiriji Şon Daffi Fox News bilen söhbetdeşlikde habar berdi.
Missiýanyň birinji tapgyry geljek ýyla meýilleşdirilýär – ekipaž gonmazdan Aýyň töweregine uçuşy amala aşyrar. Şondan soň agentlik Ýeriň hemrasyna gonuşy göz öňünde tutýar. Daffiniň aýtmagyna görä, gonuş Donald Trampyň prezidentlik möhleti tamamlanýança, ýagny 2029-njy ýylyň ýanwaryna çenli amala aşyrylar.
Gonuşdan soň NASA Aýda hemişelik bazany döretmegi göz öňünde tutýar. Agentlik alnan tejribe Marsa ekspedisiýa taýýarlanmaga kömek eder diýip hasaplaýar.
Ýakynda alymlar 2024 YR4 asteroidiniň Aý bilen çaknyşmak ähtimallygyny 4,3%-e çenli ýokarlandyrdy. NASA-nyň hasaplamasy boýunça, eger bu bolup geçse, 100 müň tonna daş we tozan kosmosa düşer, bu hem Ýere golaý orbitadaky enjamlar üçin howp döredip biler.
