Apple kompaniýasy 2024-nji ýylyň ahyrynda ýa-da 2025-nji ýylyň başynda iOS operasion sistemasyndaky iPhone, iPad, Mac we beýleki gurluşlarynda emoji assortimentiniň üstüni ýetirer. Bu barada Unicode konsorsiumynyň maglumatlaryna salgylanyp, “The Verge” neşiri we MacRumors portaly habar berýär.
Resminamalara görä, beta-synaga ýedi sany täze şekil gatnaşýar: gözüniň aşagy “haltaly” ýadan ýüz, gök barmak yzy, ýapraksyz agaç, şugundyra meňzeş köki miweli, arfa, pil we benewşe syýa tegmili. Synag 2-nji iýula çenli dowam eder, şondan soň emojileriň täzelenen sanawy tassyklanar we kem-kemden ulanylyşa giriziler.
Portal Apple gajetlerini ulanyjylaryň täze emojileri 2025-nji ýylyň mart aýynda iOS 18.4-üň çykmagy bilen görüp biljekdigini belleýär.
Smaýllaryň soňky täzelenmesi şu ýylyň ýanwar aýynda bolup geçdi. Apple “ýok” we “hawa” aňladýan kelläni kese we dik ýaýkaýan şekili, Feniks guşuny, üzülen zynjyry we laýmy goşdy.
