Müsür 2024-nji ýylyň dört aýynda syýahatçylykdan rekord girdeji gazandy

  • 21.05.2024 15:25
  • 8748
Müsür 2024-nji ýylyň dört aýynda syýahatçylykdan rekord girdeji gazandy

Müsür 2024-nji ýylyň ýanwar aýyndan aprel aýy aralygynda syýahatçylyk pudagyndan häzire çenli rekord girdejini hasaba aldy. Bu barada duşenbe güni Şarm-el-Şeýhde geçirilen Afrikanyň syýahatçylyk forumynda (Africa Tourism Forum) Müsüriň syýahatçylyk we gadymy ýadygärlikler ministri Ahmed Issa habar berdi diýip, Interfax ýazýar.

“4 aýyň dowamynda Müsürde syýahatçylykdan gelen girdeji taryhda rekord 4,3 mlrd dollara barabar boldy” – diýip, ol belledi.

Issa 2023-nji ýylyň degişli döwründe girdejiniň 4,1 mlrd dollar bolandygyny, syýahatçylaryň sany boýunça ýurt üçin rekord bolan 2010-njy ýylda, ýanwar – aprel aýlarynda onuň 3,7 mlrd dollar bolandygyny aýtdy. 2011-nji ýylyň başynda ýurtda rewolýusion tolgunyşyklary bolup geçdi, netijede daşary ýurt syýahatçylyk akymy 40% azaldy.
Müsür 2030-njy ýyla çenli 30 mln syýahatçy görkezijisine ýetmek üçin her ýyl syýahatçylyk akymyny 25% artdyrmagy meýilleşdirýär.
Africa Tourism Forum 20 – 21-nji maýda Şarm-el-Şeýhde geçirilýär. Oňa yklymyň ýurtlarynyň diplomatik wekilhanalarynyň wekilleri gatnaşýar.


düýn 09:50
9533

Saud Arabystany ägirt uly merjen bagynyň taslamasyny hödürledi

Saud Arabystany ägirt uly taslamalary bilen dünýäni haýran galdyrmagyny dowam edýär. Patyşalyk bu gezek dünýäniň iň uly merjen bagyny döretmegi meýilleşdirýär. Şuşa taslamasy Şa Abdullah adyndaky Ylym we Tehnologiýalar...

16.06.2024 11:23
12938

Abu-Dabide adaty bolmadyk “ganatly” muzeýiň gurluşygy tamamlanyp barýar

2025-nji ýylda Abu-Dabide şeýh Zaýediň milli muzeýi açylar. Bu geljekki desganyň esasy aýratynlygy - bäş sany ganatly heýkeltaraşlyk eseriniñ diňe bir binany bezemek bilen çäklenmän, eýsem tebigy howa çalşygyny...

14.06.2024 11:08
8508

Türkmen raýatlary Özbegistana söwda saparlarynyň sany boýunça öňde barýarlar

2024-nji ýylyň birinji çärýeginde täjirçilik maksady bilen 38,4 müň daşary ýurtly Özbegistana bardy. Bu görkeziji geçen ýylyň degişli döwri bilen deňeşdireniňde, 24,4 müň adam köp. Bu barada Statistika gullugynyň...

13.06.2024 15:09
7469

BMG: Hytaýyň raýatlary daşary ýurt syýahatlaryna edýän çykdajylary boýunça ABŞ-dan geçdi

BMG-niň Bütindünýä Syýahatçylyk Guramasynyň (UN Tourism) hasabatyna görä, Hytaýyň raýatlary 2023-nji ýylda daşary ýurt syýahatlaryna 196,5 milliard dollar sarp edip, ABŞ-dan (150 milliard dollar) geçdi diýip, Interfax...