2024-nji ýylyň birinji çärýeginde elektrik ulaglaryň satuwynyň 86% ýokarlanmagyna garamazdan, elektrik ulaglary bilen meşgullanýan Ford Model e bölümçesi Ford Motor kompaniýasyna uly ýitgiler getirmegini dowam edýär diýip, IXBT ýazýar.
Bloomberg-iň berýän bahalaryna görä, kompaniýa Mustang Mach-E, F-150 Lightning we E-Transit elektrik ulaglarynyň hersinde 100 müň dollar ýitirýär - bu modelleriň jemi 20223 ekzemplýary satyldy.
Umuman alanyňda, Ford 2024-nji ýylyň ilkinji üç aýynda 1,3 milliard dollar arassa girdeji aldy. Içinden ýandyrylýan hereketlendirijili Ford-laryň aýratynlykda hersi diýen ýaly, satuw babatda Model e setirinden has öňdedir.
Kompaniýanyň Ford Pro bölümçesiniň Super Duty pikaplarynyň güýçli satuwynyň üsti bilen, ýylyň birinji çärýeginde, Model e-den bolan ýitginiň öwezi dolduryldy. Pikaplaryň girdejisi 3 milliard dollar boldy. Şeýle hem, möçberi 900 million dollar bolan oňyn girdejini, içerki ýangyç we gibrid hereketlendirijileriň modelleriniň bölekleýin satuw topary Ford Blue gazandy.
Model e ýitgilerine jogap hökmünde Ford elektrik ulaglarynyň önümçiligini haýallatdy we akkumulýatorlaryň sargytlaryny azaltdy.
