Iň uly elektronika, şol sanda iPhone öndürijisi Foxconn-yň aprel satuwy rekord derejä çykyp, 15,83 mlrd ABŞ dollaryna barabar boldy. Bu ýyllyk hasabynda 19% ösüşi aňladýar diýip, ixbt.com habar berýär.
Bu ösüş kompaniýany ikinji çärýekde girdejiniň ýokarlanmagy, şeýle-de çärýek hem ýyllyk hasabynda ösüşiň bolmagy barada çaklamaga iterýär.
Smartfonlary öz içine alýan intellektual hojalyk elektronikasynyň segmenti geçen ýyl bilen deňeşdirilende uly ösüş görkezdi. Emeli aň tehnologiýaly bulut we tor önümleriniň segmentindäki durnukly isleg bolsa kompaniýanyň umumy üstünligine goşant goşdy.
14-nji maýda Foxconn 2024-nji ýylyň birinji çärýeginiň netijelerini hödürlär. Öň, taýwan öndürijisi ilkinji üç aýyň jemi boýunça girdejiniň ýyllyk hasabynda 9,6%, 40,9 mlrd dollara çenli azalandygyny habar berdi. Ýylyň başyndan bäri Taýwanda Foxconn-yň paýnamalary tas 15% gymmatlady.
