Türkmenistan Hökümeti tarapyndan maliýeleşdirilýän we BMGÖM tarapyndan amala aşyrylýan taslamanyň çäginde Ahal welaýatynyň 10 kliniki barlaghanasynda we Aşgabat şäheriniň 28 kliniki barlaghanasynda häzirki zaman barlaghana enjamlaryny oturtmak işler üstünlikli tamamlandy we hünärmenler üçin okuw sapaklary geçirildi.
BMGÖM-de habar bermeklerine görä, bu barlaghanalarda köpsanly barlag görnüşlerini, has takygy, ganyň umumy, biohimiki we koagulýasiýa barlaglaryny, peşewiň barlagyny, mikroskopiýa we beýleki barlag görnüşlerini geçirmek üçin zerur sarp ediş serişdeler we reaktiwler bilen üpjün edildi.
Şuňa meňzeş çäreler mundan ozal Mary welaýatynyň barlaghanalarynda, Lebap welaýatynyň barlaghanalarynda, şeýle hem, Daşoguz welaýatynyň barlaghanalarynda we Balkan welaýatynyň barlaghanalarynda geçirildi.
Şeýlelik bilen, tutuş Türkmenistan boýunça jemi 114 barlaghana döwrebaplaşdyryldy.
Bu taslamanyň maksady Türkmenistanyň Milli saglyk ulgamynyň kliniki-barlaghana gullugyny işjeňleşdirmek, şeýle hem başlangyç saglygy goraýyş derejesinde ilat üçin häzirki zaman we ýokary hilli lukmançylyk hyzmatlarynyň elýeterliligini ýokarlandyrmak bolup durýar.
