17-nji awgustda Çikagoda (Illinoýs ştaty, ABŞ) UFC 319 ýaryşy geçiriler. Orta agramda çempion guşagy üçin agşamyň esasy söweşinde Hamzat Çimaýew bilen Drikus dýu Plessi duşuşar.
Çimaýew BAE-niň baýdagy bilen çykyş edýär. Onuň hasabynda ýeňlişsiz 14 ýeňiş bar. Günorta afrikaly söweşiji Dýu Plessiniň hasabynda 23 ýeňiş we iki ýeňliş bar. Ol titulyň häzirki eýesidir.
Belläp geçsek, olaryň ikisi-de 31 ýaşynda.
Olaryň oktagona Aşgabat wagty bilen 08:20-de çykmagyna garaşylýar.
Taraplar söweşe mümkin boldugyndan ýokary gyzyklanma döretmäge çalyşýar. Bir gün öň söweşijiler agram çekmek dabarasynda we göz söweşinde tas urşupdylar.
“Ol garşydaş hökmünde hakyky ýyrtyjy, ýöne men bir zady aýdaýyn – men, sabmişen ýa-da nokaut bolsun, ony ýatyraryn. Men siziň ýigidiňizi ýeňerin” – diýip, Dýu Plessi metbugat maslahatynda aýtdy.
“Bir gün, onuň bir güni galdy. Ertir ol maslyk bolýar” – diýip, Çimaýew öz gezeginde belledi.
Agşamyň ýene bir esasy söweşinde amerikaly Aaron Piko bilen britaniýaly Leron Mýorfi duşuşar.
Agşamyň esasy bölegi:
- ·Drikus dýu Plessi – Hamzat Çimaýew
- ·Leron Mýorfi – Aaron Piko
- ·Jeff Nil – Karlos Prates
- ·Jared Kannonýe – Maýkl Peýj
- ·Tim Elliot – Kaý Asakura
Ýaryşyň ýaýlymy Aşgabat wagty bilen 03:00-da “Матч!” we “Матч! Боец” teleýaýlymlarynda başlar.
