Arheologlar 1994-nji ýylda Walensiýadan (Ispaniýa) tapylan gylyjyň ýaşyny kesgitlediler. “Haýtek”-iň ýazmagyna görä, bu artefakt iň soňky gezek X asyrda, Ispaniýanyň aglaba bölegi musulman hökümdarlarynyň gol astyndaka ulanylypdyr.
46 sm uzynlykdaky demir gylyç mazardan tapyldy, ol ýere dürtülgi ýagdaýda eken, şonuň üçin taryhçylar ony şa Arturyň rowaýata öwrülen gylyjy bilen meňzeşligi üçin, “Ekskalibur” diýip atlandyrdylar. Onuň tutawajy bürünç plastinalar bilen bezelipdir we tygynyň bolsa häsiýetli egriligi bar. Tygynyň bu soňky aýratynlygy onuň senesini kesgitlemegi kynlaşdyrdy, sebäbi biziň eýýamymyzyň 418-nji ýylyndan 711-nji ýylyna çenli Ispaniýany dolandyran westgotlaryň ýaraglarynda hem şeýle aýratynlyk bardy.
Granada uniwersitetiniň arheology Hoze Migel Osuna tarapyndan geçirilen gözleg gylyjyň Walensiýanyň musulmanlaryň hökümdarlygy astynda döwri ulanylandygyny görkezdi. Mundan başga-da, gylyjyň ululygyna we el goraýjysynyň ýokdugyna seredip, hünärmenler onuň atlylara degişli bolandygyny çaklaýarlar.
Walensiýadan tapylan Ekskalibur özboluşly hasaplanýar, sebäbi ol bu sebitden tapylan yslam döwrüniň ilkinji gylyjydyr.
