Astronomlar Ýere meňzeş sergezdan planetany tapdylar

  • 23.04.2024 11:08
  • 14k+

Astronomlar hiç bir ýyldyz bilen baglanyşykly bolmadyk we massasy Ýer bilen deňeçir ilkinji sergezdan planetany tapdylar. Naked Science-iň habar bermegine görä, TESS kosmos teleskopynda edilen bu açyş mikrolinzalamak usuly arkaly mümkin boldy, şonda uly obýektiň grawitasiýa meýdany yzynda duran ýyldyzyň ýagtysyny gyşardýar.

Alymlar şu wagta çenli diňe Ýupiter bilen deňeşdirip boljak has uly sergezdan planetalary tapmagy başarypdylar. Täze hasaplamalar Ýeriň massasyna deňeçer “sergezdanlaryň” Akmaýanyň Ýolundaky ýyldyzlardanam 20 esse köp bolmagynyň mümkindigini görkezdi.
"Görünmeýän" planeta bizden 10,4 müň ýagtylyk ýyly daşlykda ýerleşýär. Ol TIC-107150013 ýyldyzynyň ýagtysyny gyşardýar, bu bolsa alymlara onuň massasyna baha bermäge mümkinçilik berdi. Deslapky çaklamalara görä, ol Ýeriň massasynyň birden on aralygyna deň.
Öz ýyldyzynyň ýoklugyna garamazdan, sergezdan planetalarda ýaşaýşyň bar bolmagy juda ähtimal. Käbir ylmy toparlar olaryň üstüniň aşaky gatlagynda bakteriýalaryň ýaşap biljek ýeri bolan uly ummanlaryň bolup biljekdigine ynanýarlar.
TESS eýýäm Ýere meňzeş sergezdan planetany tapmaga kömek eden hem bolsa, geljekde 2027-nji ýylda uçurylmagy meýilleşdirilýän Nensi Greýs Roman kosmos obserwatoriýasy tarapyndan has köp zatlaryň tapylmagy mümkin.


düýn 14:32
4.3k+

Plastik galyndylardan parasetamol öndürmegiň usuly tapyldy

Edinburg uniwersitetinden professor Stiwen Uollesiň ýolbaşçylygyndaky alymlar topary plastik galyndylarynyň derman öndürmek üçin ulanylyp bilinjekdigini kesgitlediler. Bu barada Nature žurnalyndaky barlaga salgylanýan The Guardian ýazýar...

24.06.2025 13:34
2.3k+

Awstraliýaly kebeleklerde ugruny ýyldyzlara görä kesgitlemek ukyby ýüze çykaryldy

Awstraliýaly bogong kebelekleri ( Agrotis infusa ) ýyldyzlardan we Ýeriň magnit meýdanyndan ugur alyp, müň kilometre çenli aralygy geçmäge ukyply. Bu Awstraliýanyň Milli uniwersitetiniň, Günorta Awstraliýa uniwersitetiniň we beýleki barlag merkezleriniň hünärmenleriniň gelen netijesidir...

24.06.2025 13:32
2.4k+

Aýnadan çap etmek üçin ilkinji 3D printeri döredildi

Massaçusets Tehnologiýa institutynyň Linkoln barlaghanasynyň barlagçylary aýna zatlary öndürmäge ukyply ilkinji 3D printeri çykardylar. Şu wagta çenli additiw önümçilik şokolad we plastmassa ýaly dürli materiallary öz içine alypdy, ýöne organiki däl aýna bu tehnologiýanyň çäginden daşarda galyp gelýärdi...

24.06.2025 12:40
6.1k+

Britaniýaly alymlar robotlaryň kömegi bilen Arktikany gaýtadan doňdurmak isleýär

Britaniýanyň ARIA hökümet agentligi suwasty robotlaryň kömegi bilen Arktikanyň buz örtüginiň galyňlygyny saklamak we artdyrmak mümkinçiliklerini öwrenmek üçin 10 mln funt sterling (takmynan, $13,4 mln) bölüp berdi diýip, The Times habar berýär...