Hytaýyň Guansi awtonom sebitinde Beýhaý şäherindäki awtoserwis meýdançasynda adatdan daşary waka wideo düşdi. BYD Song Plus elektrik ulagynyň depesindäki bagaža birnäçe gezek çyldyrym urdy, netijede güýçli elektrik razrýadlary döredi. Hadysanyň netijesinde sürüji aman galdy diýip, CarNewsChina ýazýar.
Waka bolan soň, dilerlik merkeziniň hünärmenleri ulagyň doly barlagyny geçirdiler. Barlag netijesinde akkumulýator batareýasynda ýa-da elektron dolandyryş blogunda hiç hili zeper tapylmady. Ýyldyrymdan galan ýeke-täk alamat — maşynyň depesinde ownuk jaýryklar boldy.
Bilermenleriň düşündirişine görä, metal korpusly we germetik gurluşly elektromobiliň salonynyň ýyldyrym zarbasyndan goragly bolmagy “Faradeý öýjügi” täsirine baglydyr. Bu täsirde metal korpus elektrik toguny daşky ýüzünden serpikdirýär we salonuň içine, ýolagçylara ýetmegine ýol bermeýär.
Sürüjilere we ýolagçylara ýyldyrym zarbasynyň yzyndan ulagyň içinde galmak we daşyna çykmazlyk maslahat berilýär. Howply ýagdaýdan gaça durmak güýçli şemally ýagyş gutarýança garaşyp, şondan soňra ulagyň ýagdaýyny barlamak üçin hünärmenlere ýüz tutmak maslahat berilýär.
BYD Song Plus sürüjisi hem bu maslahatlara eýerdi, şonuň netijesinde ol aman galdy.
