20-nji awgustda Aşgabat wagty bilen 22:13-de Baýkonur kosmodromyndan “Bion-M2” biologik kosmos enjamy bilen “Soýuz-2.1b” raketasy uçuryldy. Onuň bortunda 75 syçan, 1,5 müň töweregi siňek, garynja, kömelek, moh, ösümlik we öýjükli kulturalar bar.
“Roskosmos” uçuşdan 12 minutdan soň gäminiň bellenilen orbita asuda çykarylandygyny we üçünji basgançagyň raketadan aýrylandygyny habar berdi.
“Bion” Russiýanyň kosmosda biologik gözlegler üçin niýetlenen enjamlar seriýasydyr. Alymlar radiasiýanyň we agramsyzlygyň janly organizmlere nähili täsir edýändigini öwrenýär. Bu seriýanyň ilkinji enjamy (“Kosmos-605) 1973-nji ýylda uçuryldy. Şonda kosmosa pyşdyllar, alakalar, mör-möjekler we kömelekler iberildi.
2013-nji ýylda orbita täze nesliň ilkinji hemrasy – “Bion-M1” çykaryldy. Onuň ýolagçylary syçanlar, mongol syçanlary, gekkonlar, ulitkalar, ösümlikler we dürli mikroorganizmler boldy.
“Bion-M2” täze wezipäni ýerine ýetirýär: alymlar dürli görnüşleriň kosmos radiasiýasy häzirki Halkara kosmos stansiýasynyň orbitasyndan ýokary bolan giňişlikde uçuşy nähili geçirýändigine düşünmek isleýär. Bu maglumatlar ekipažly uçuşlarda, şol sanda uzak kosmosa uçuşlarda adamlary goramagyň usullaryny işläp taýýarlamak üçin möhümdir.
Enjam orbitada 30 gün bolar we 19-njy sentýabrda Ýere gaýdyp gelmeli. Ol Russiýanyň Orenburg welaýatynyň sähralarynda gonar.
