Polşada balykçy Wisla derýasyndan ýaşy, takmynan, 700 ýyl bolan gylyjy çykardy. Onuň uzynlygy 79 santimetre barabar diýip, People ýazýar.
Erkek adam kanunyň talap edişi ýaly artefakty Ýadygärlikleri goramak boýunça paýtagt gullugyna gowşurdy. Şondan soň gylyç Döwlet arheologiýa muzeýiniň hünärmenlerine berildi, olar tapyndyny “haýran galdyryjy” diýip atlandyrdy. Häzir orta asyr ýaragy konserwasiýadan geçýär. Soňra ol arassalanyp, gorag gatlagy bilen örtüler we öwrenmek üçin arheologlara berler.
Deslapky hasaplamalar boýunça, gylyç Warşawanyň taryhynyň başlan döwrüne – XIII ýa-da XIV asyra degişlidir. Has takyk sene ýaragy taýýarlan demirçiniň goýan haç görnüşli nyşany boýunça kesgitlener. Bu aňsat bolmaz, çünki gylyç derýada başga artefaktlar we bu ýer barada maglumatlar bolmazdan tapyldy.
