Şwesiýaly türgen Dýuplantis şestli bökmekde  sekizinji gezek dünýä rekordyny täzeledi

  • 22.04.2024 20:16
  • 8k+

Şestli bökmegiň ussady, şwesiýaly türgeni Armand Dýuplantis 6,24 metr beýiklige böküp, ýene-de dünýä rekordyny täzeledi. Bu üstünlik Hytaýyň Sýamyn şäherinde Göwher liga tapgyrynda hasaba alyndy diýip, RBK habar berýär.

24 ýaşly türgen garşydaşlaryna hiç hili mümkinçilik galdyrmazdan, ynamly ýeňiş gazandy. Kümüş medala amerikaly Sem Kendriks (5,82 metr), bürünç medala bolsa hytaýly Huan Bokaýu (5,72 m) eýe boldy.
Bu eýýäm Dýuplantisiň karýerasyndaky sekizinji dünýä rekordy. Öňki rekordy 2023-nji ýylyň sentýabr aýynda Ýujinede (ABŞ) goýlup, beýiklik 6,23 metre deň bolupdy.
Şwesiýaly türgen häzirki Olimpiýa çempiony (Tokio 2020), iki gezek dünýäniň we Ýewropanyň çempiony.
Dýuplantis ýeňil atletikanyň taryhynda iň güýçli türgenleriň biri hasaplanýar. 2020-nji ýylyň fewral aýyndan bäri bu sportda rekord eýesi bolup gelýär.


düýn 12:16
3.9k+

Şwesiýaly Dýuplantis 6,30 m beýiklikden aşyp, 14-nji rekordyny goýdy

15-nji sentýabrda Tokiodaky ýeňil atletika boýunça dünýä çempionatynda şwesiýaly şestli böküji Arman Dýuplantis karýerasynda nobatdaky, eýýäm 14-nji dünýä rekordyny goýdy. Ol 6,30 m beýiklikden geçdi. Şonuň bilen türgen awgustda Budapeştdäki “Memorial Iştwan Dýulaý” ýaryşynda goýan öňki rekordyny (6,29 m) täzeledi...

15.09.2025 23:20
7.1k+

0,03 sekunt tapawut: Tokioda marafon boýunça dünýä çempiony fotofiniş arkaly kesgitlendi

Tokioda ýeňil atletika boýunça dünýä çempionatynda taryhda ilkinji gezek marafonyň ýeňijisi fotofinişiň kömegi bilen kesgitlendi. Dünýä çempiony Alfons Feliks Simbu (Tanzaniýa) we kümüş baýragyň eýesi Amanal Petros 42,195 km aralygy birmeňzeş wagtda – 2 sagat 9 minut 48 sekuntda ylgap geçdi...

15.09.2025 23:10
4k+

Wengriýaly figuralaýyn typyjy buzuň üstünde ýüpden bökmek boýunça rekord goýdy

Wengriýada figuralaýyn typmak boýunça çempion Ester Sombatheýi konkide towsulýan ýüpden bökmek boýunça Ginnesiň rekordyny goýdy. Ol bir minutda 136 gezek bökmegi başardy. Bu synanyşyk ABŞ-nyň Aýdaho ştatynyň San-Walli şäherindäki typylýan meýdançada geçirildi...

11.09.2025 00:04
10k+

Norwegiýanyň milli ýygyndysy Moldowa garşy 11 gol geçirdi: Holand rekord goýdy

2026-njy ýylyň dünýä çempionaty üçin Ýewropada saýlama ýaryşynyň 6-njy tapgyr oýunlarynyň birinde Norwegiýanyň milli ýygyndysy Moldowadan uly hasap bilen üstün çykdy. Oslodaky oýun 11:1 hasabynda tamamlandy. “Mançester Sitiniň” hüjümçisi Erling Holand bäş gol geçirip, iki assist etdi...