“Şazada Nasim” ady bilen tanalýan, Ýemende doglan iňlis boksçysy Nasim Hamediň durmuşyna we karýerasyna esaslanan “Äpet” atly sport dramasy ABŞ-da surata düşürilýär. Golliwudyň aktýory Pirs Brosnan filmiň aktýorlarynyň hataryna goşuldy diýip, Variety habar berýär.
Filmdäki baş keşbi “Limb” filmi bilen tanalýan Amir El-Masri ýerine ýetirer. Brosnan bolsa Hamediň iň belli garşydaşlaryndan biri, iňlis boksçysy Pol Ingliň keşbinde oýnar.
Rouen Eteýl “Äpediň” edebi esasyny ýazdy we oňa režissýorlyk edýär. Taslamanyň bir prodýuseri öňden bäri Hamediň zehininiň muşdagy Silwester Stallone bolar.
Nasim Hamed – WBO-nyň, WBC-niň, IBF-niň we IBO-nyň wersiýalary boýunça ýarym ýeňil agramdaky öňki dünýä çempiony. Ol açyk söweş stili, üýtgeşik ugurtapyjylygy we ringde özüne çekiji hereketleri üçin “Şazada Nasim” lakamyny aldy. 2015-nji ýylda ol Halkara boksyň şöhrat zalyna girizildi.
“Äpet” filminde Hamediň şöhratyň belentliklerine çykmakda geçen kyn ýoly, ýokary göterilişleri we pese gaçyşlary, şeýle hem çempionyň şahsy durmuşy barada gürrüň berler.
