“Çokundyran ata” filminiň režissýory Kann festiwalynda täze epiki filmini hödürleýär

  • 13.04.2024 14:55
  • 3309
“Çokundyran ata” filminiň režissýory Kann festiwalynda täze epiki filmini hödürleýär

Režissýor Frensis Ford Koppolanyň 1980-nji ýyllardan bäri üstünde işlän epiki ylmy-fantastiki filmi bolan “Megalopolis” 77-nji Kann festiwalynyň esasy bäsleşigine saýlandy. Býujeti 120 mln dollar bolan bu filmi Koppolanyň özi maliýeleşdirdi. Bu onuň soňky 13 ýylda ilkinji işidir.

“Megalopolisiň” sýužeti geljegiň Nýu-Ýorkuny dünýäniň utopik merkezine öwürmäge synanyşýan binagär Serž (Adam Draýwer) barada gürrüň berýär. Gahryman bäsdeşini ýok etmek üçin ähli zada taýýar bolan şäher häkimi Frenk Siseron (Jankarlo Espozito) bilen bäsleşmeli bolýar.
Şeýle-de, filmde Obri Plaza, Şaýa LaBaf, Forest Uitaker, Natali Emmanuel, Jon Woýt, Dastin Hoffman we beýlekiler çykyş etdi.
Kann kinofestiwalynda “Megalopolisiň” premýera görkezilişi 17-nji maýda bolar. Filmiň distribýutorynyň ýoklugy sebäpli, onuň kinoteatrlarda haçan çykjakdygy heniz belli däl.
Belläp geçsek, Koppola “Gürrüň” we “Apokalipsis şu gün” filmleri üçin iki gezek festiwalyň baş baýragyny – “Altyn palma şahasyny” aldy.
Şu ýyl Kann festiwaly 14-nji maýdan 27-nji maý aralygynda geçiriler. Bäsleşigiň emin agzalaryna Greta Gerwig (“Barbi”) ýolbaşçylyk eder. 


düýn 20:26
4070

“Tapmaça-2” iki uik-endiň dowamynda 2024-nji ýylyň iň girdejili filmi boldy

Pixar studiýasynyň “Tapmaça-2” («Головоломка-2») multfilmi üstünligini artdyrmagyny dowam etdirýär. Ol prokatyň ikinji uik-endinde ABŞ-da 100 mln dollar ýygnap, 2024-nji ýylyň iň girdejili filmi boldy. Dünýädäki...

23.06.2024 18:09
17855

Aýa ýalandan gonuşyň surata düşürilişi baradaky filmiň treýleri çykdy

Sony Pictures Entertainment studiýasy baş keşpleri Skarlett Ýohanssonyň we Çenning Tatumyň ýerine ýetirmeginde “Maňa Aýy görkez” («Покажи мне Луну», “Fly me to the moon”) komediýa filminiň treýlerini hödürledi...

23.06.2024 16:24
2239

Disney+ “Tapmaça” animasion filminiň esasynda multserial taýýarlaýar

Disney+ striming hyzmaty meşhur “Tapmaça” («Головоломка») animasion filminiň esasynda multserial çykarar. Bu barada Entertainment Weekly bilen söhbetdeşlikde Pixar-yň döredijilik müdiri we franşizany dörediji Pit...

23.06.2024 15:17
8577

Russiýada “Uruş we parahatçylyk” romany esasynda iki sany täze film surata düşüriler

“Rossiýa” teleýaýlymy “Kinopoisk” we Start onlaýn-kinoteatrlary bilen bilelikde Lew Tolstoýyň “Uruş we parahatçylyk” (“Война и мир”) romany esasynda köp seriýaly filmi surata düşürmegiň üstünde işläp başlady diýip...