12 sany agtygy bolan 58 ýaşly ene 4,5 sagat plankada durup, dünýä rekordyny täzeledi

  • 31.03.2024 10:17
  • 34554
12 sany agtygy bolan 58 ýaşly ene 4,5 sagat plankada durup, dünýä rekordyny täzeledi

Kanadadan 58 ýaşly bir ene 4,5 sagat plankada durup, aýallaryň rekordyny täzeledi. Bu barada Ginnesiň rekordlar kitabynda habar berilýär.

Donna-Jin Waýld atly aýalyň 12 sany agtygy bar. Olaryň ählisi rekordyň hasaba alynýan mahaly ene-atalary we atasy bilen bilelikde ony goldamak üçin ýygnanyşdylar. Donna-Jin Waýld köp ýyllap mekdep mugallymy bolup işledi, ýakynda bolsa pensiýa çykdy. 12 ýyl mundan ozal ol goşaryny döwüp, sport bilen işjeň meşgullanyp bilmedi. Ýöne ol plankada durup biljekdigine göz ýetirip, bu maşka üns berip başlady. Häzir ol adaty gündelik maşk hökmünde her gün 2-3 sagat planka bilen meşgullanýar.
Netijede, ol Ginnesiň rekordyna dalaş etmek kararyna geldi, bu synanyşykda esasy ruhlandyryjy we guramaçy onuň ýoldaşy Rendi boldy.
Rekord eýesi bu synanyşygyň aňsat bolmandygyny we soňky 30 minutda “dem almaga, rahatlygy saklamaga we titremezlige” ünsi jemländigini aýtdy.

“Rekordy üstünlikli goýmak üçin, dalaşgäriň bilekleri we aýagynyň barmaklary tutuş wagtyň dowamynda ýere degmeli. Bedeniň galan bölegini ýerden galdyrmaly we göni saklamaly” – diýlip, Ginnesiň kitabynyň saýtynda aýdylýar.

Donna-Jin Waýld plankada 4 sagat 30 minut 11 sekunt durdy, bu 2019-njy ýylda kanadaly Dana Glowaka tarapyndan goýlan rekorddan 10 minut uzakdyr. Häzirki wagtda erkekleriň arasynda plankada dünýä rekordy 9 sagat 38 minut 47 sekunta barabar, ony geçen ýyl Çehiýadan Ýozef Şalek goýdy.


13.04.2024 16:14
11724

Fransuz zenany Eýfel diňine ýüp bilen dyrmaşyp, gaýa dyrmaşmak boýunça rekord goýdy

Fransiýa 24 habarlar ýaýlymynyň habar bermegine görä, 34 ýaşly fransuz zenany Anuk Garnýe Eýfel diňiniň ikinji böleginiň düýbüne çykmak bilen gaýa dyrmaşmak boýunça dünýä rekordyny goýdy. Türgen 110 metre belentlige...

06.04.2024 18:08
31744

Ginnesiň rekordlar kitaby dünýädäki täze iň garry erkek adamy atlandyrdy

Angliýanyň Mersisaýd graflygyndan 111 ýaşly Jon Tinniswud dünýäde häzir ýaşaýan erkekleriň arasynda iň garry adam boldy. 5-nji aprelde Ginnesiň rekordlar kitaby oňa bu statusy tassyklaýan resmi şahadatnamany gowşurdy...

01.04.2024 13:26
9930

Kanadada “ýagyş salgydyny” girizmek meýilleşdirilýär

Kanadanyň iň uly şäheri Torontonyň häkimi Oliwiýa Çou öý eýelerine ýagyş kanalizasiýasy üçin töleg girizmegi teklip etdi. Onuň mukdary olaryň öýlerindäki suw akymynyň ýagyş kanalizasiýasyna näderejede täsir edýändigine...

24.03.2024 18:10
10748

Stiw Jobsuň goly bolan wizitka auksionda rekord baha satyldy

Bostonyň RR Auction auksionynyň maglumatlaryna görä, Stiw Jobsuň goly bolan seýrek Apple Computer wizit kartoçkasy auksionda 181 183 dollara satyldy. Bu gol çekilen wizit kartoçka üçin rekord bahadyr diýip, gagadget...