Hytaýyň Xiaomi korporasiýasy ilkinji awtoulagynyň iň ýokary bahasyny kesgitledi. Kompaniýanyň baş direktory Leý Szýun Xiaomi-niň maksadynyň iň kuwwatly, akylly we aňsat sürülýän awtoulag çykarmakdygyny aýtdy. Xiaomi Speed Ultra 7 (SU7) ulagynyň iň ýokary bahasy 500 müň ýuan ýa-da takmynan, 69 müň dollar bolar.
Bar bolan maglumatlara görä, 25-nji martda, duşenbe güni hytaý awtoulag satyjylary awtoulaglaryň ilkinji tapgyrlaryny aldylar we sergi otaglarynda görkezip başladylar. Leý Szýunyň korporasiýasy SU7-niň funksiýalaryna gözegçilik etmek üçin döredilen onlaýn dükanlarda Xiaomi Car mobil programmasyny paýlaşdy.
Xiaomi-niň mart aýynyň ahyryna çenli elektrik awtoulagynyň ähli bahalaryny aýan etmegine garaşylýar, şol wagt korporasiýa modeller üçin sargytlary kabul edip başlar. Xiaomi Speed Ultra 7 bir zarýadda geçýän aralygy 668 we 800 kilometre barabar bolan iki nusgada çykar.
