Ýewropa Komissiýasy ÝB-niň sanly bazarlar baradaky kanunynyň, ähtimal, bozulmagy sebäpli Alphabet, Apple we Meta kompaniýalaryna garşy ilkinji derňew işine başlady. Bu barada ÝK-nyň metbugat gullugyna salgylanyp, TASS habar berýär.
Resminamada bellenilişi ýaly, Ýewrokomissiýa Alphabet we Apple tarapyndan programmalar bilen baglylykda kabul edilen çäreleriň Ýewropanyň kanunyny bozýandygyny ýa-da ýokdugyny anyklamak isleýär. ÝK kompaniýalaryň düzgünleriniň talaplara doly laýyk gelýändigine şübhelenýär we olar programmalary işläp düzüjileriň işine päsgel berip biler diýip pikir edýär.
Ýewrokomissiýa derňew işini 12 aýyň dowamynda tamamlamagy göz öňünde tutýar. Düzgün bozulma ýüze çykarylsa, Ýewrokomissiýa kompaniýanyň umumy global dolanyşygyndan 10%-e çenli jerime salyp biler. Şeýle jerimeler gaýtalanan ýagdaýynda 20%-e çenli hem ýetip biler.
Şeýle-de, Ýewrokomissiýa kompaniýany biznesi ýa-da onuň bölegini satmaga borçlandyrmak ýa-da täze aktiwleri satyn almagy gadagan etmek ýaly goşmaça çäreleri-de görüp biler.
