NASA “Woýajer-1” bilen aragatnaşygy dikeltdi. 4 aý mundan ozal kosmos enjamy Ýere düşnükli ylmy maglumatlary ibermegi bes etdi, ýöne NASA-nyň hünärmenlerine näsazlygyň sebäbini anyklamak başartdy.
2023-nji ýylyň noýabr aýynda NASA-nyň iň “gadymy” kosmos enjamlarynyň biri bolan “Woýajer-1” bort kompýuterleriniň işinde näsazlyklar bilen ýüzbe-ýüze boldy. Ol Ýere durnukly radio signalyny ibermegini dowam etdirse-de, maglumatlar manysyz bir maglumatlar toplumydy.
1-nji martda NASA-nyň inženerleri “Woýajer-1” enjamyna täze buýruk setirini iberdiler we düşünmek başardan jogaby aldylar.
“Näsazlygyň çeşmesi bortdaky üç kompýuteriň biri, uçuş maglumatlarynyň kiçi sistemasy (FDS) bolmaly. Ol ylmy we inženerçilik maglumatlarynyň Ýere iberilmezden öň “gaplanmagyna” jogap berýär” – diýlip, kosmos agentliginiň habarynda aýdylýar.
“Woýajer-1” Ýerden 24 mlrd km-den gowrak uzaklykda ýerleşýär. Bu bolsa radio signallaryna kosmos enjamyna barmak we yza gaýtmak üçin 22,5 sagadyň gerekdigini aňladýar.
NASA-nyň işgärleri alnan maglumatlary öwrenmegi dowam etdirýärler. Olar bu meseläni gutarnykly çözmäge we “Woýajer-1-iň” kadaly işini dikeltmäge kömek eder diýip umyt edýärler.
“Woýajer-1” 1977-nji ýylyň 5-nji sentýabrynda uçuryldy. Ol Gün sistemasynyň çäginden çykan ilkinji kosmos enjamy boldy.
