Ýewropada emeli aňyň ulanylyşyny düzgünleşdirýän dünýäde ilkinji kanun kabul edildi

  • 16.03.2024 08:18
  • 3.4k+

Ýewroparlament emeli aňyň ulanylyşyny düzgünleşdirýän kanuny kabul etdi. Bu emeli aň ulgamlaryny işläp düzüjiler we ulanyjylar üçin düzgünleri kesgitleýän dünýäde ilkinji resminamadyr.

Kanun emeli aň ulgamlary üçin töwekgelçiligiň pes, ortaça, ýokary we kabul ederliksiz ýaly dört kategoriýasyny girizmek bilen, raýatlaryň hukuklaryny bozýan tehnologiýalary ulanmagy gadagan edýär. 
Şeýlelikde, şular gadagan edilýär:

  • Maglumatlar bazasyny döretmek üçin Internetden ýa-da wideo gözegçilik kameralaryndan ýüz şekillerini ulanýan biometrik kesgitleýiş ulgamlary;
  • Jemgyýetçilik ýerlerinde hakyky wagt režiminde ýüzi tanamak ulgamlary;
  • Işde ýa-da okuwda adamlaryň emosiýasyna baha berýän ulgamlar;
  • “sosial reýtingi” ýa-da profilirlemäni ulanýan ulgamlar;
  • Adamyň özüni alyp barşyny dolandyrýan ýa-da onuň gowşak tarapyndan peýdalanýan emeli aň ulgamlary.

Hukuk goraýjy edaralara biometrik kesgitleýiş ulgamlaryny diňe aýratyn ýagdaýlarda (mysal üçin, ýiten adamy gözlemekde ýa-da terrorçylygyň öňüni almakda) ulanmaga rugsat berilýär.
Töwekgelçilik derejesi ýokary bolan emeli aň ulgamlary üçin (mysal üçin, lukmançylykda, bilimde, möhüm infrastrukturada) kanun aç-açanlygy we adam gözegçiligini talap edýär.
Umumy maksatly emeli aň ulgamlary aç-açanlyk talaplaryna laýyk gelmeli we ÝB-niň awtorlyk hukugy baradaky kanunyny berjaý etmeli. Emeli ýa-da gaýtadan işlenen şekiller bellik edilmelidir.
Indi kanun gutarnykly hukuk-lingwistik barlagyndan geçmeli, soň ol Ýewropa Geňeşi tarapyndan tassyklanar. Kanun ÝB-niň resmi žurnalynda neşir edilenden 20 gün soň güýje girer we iki ýyldan doly derejeli ulanylyp başlanar.


13.09.2025 16:22
1.5k+

Türkmenistanyň wekiliýeti Wenada ÝHHG-niň Hemişelik Geňeşiniň mejlisinde garaýyşlaryny beýan etdi

11-nji sentýabrda Wena şäherinde Ýewropada Howpsuzlyk we Hyzmatdaşlyk Guramasynyň (ÝHHG) Hemişelik Geňeşiniň mejlisi geçirildi. Mejlisiň işine Türkmenistanyň wekiliýeti hem gatnaşdy. Türkmenistanyň DIM-niň habar bermegine görä, ara alyp maslahatlaşma ÝHHG-niň Parlament Assambleýasynyň Prezidenti jenap Pere Žoan Pons Sampýetro tarapyndan Hemişelik Geňeşe ýetiren hasabatyň çäklerinde geçirildi...

11.09.2025 21:19
1.7k+

ChatGPT dünýäniň çat-bot bazarynyň 80%-den gowragyny eýeleýär

OpenAI kompaniýasynyň ChatGPT emeli aňly çat-bot bazarynda agdyklyk etmegini dowam etdirýär we şeýle hyzmatlaryň dünýäde ulanylyşynyň bäşden dört bölegini öz içine alýar. Bu barada web-seljeriji StatCounter şereketiniň 2024-nji ýylyň iýulyndan 2025-nji ýylyň awgustyna çenli aralykdaky maglumatlaryna salgylanýan TechRadar habar berýär...

07.09.2025 19:52
4.4k+

ÝB Google-a tas €3 mlrd jerime saldy. Bu Ýewropada kompaniýanyň iň uly jerimeleriniň biri

Ýewrokomissiýa Google-yň baş kompaniýasy bolan Alphabet-e mahabat tehnologiýalarynyň bazarynda agdyklyk ediji ornundan hyýanatçylykly peýdalanandygy üçin 2,95 mlrd ýewro jerime saldy. Bu barada Bloomberg agentligi habar berdi...

05.09.2025 10:35
1.1k+

OpenAI Hindistanda ägirt maglumat merkezini gurmagy meýilleşdirýär

OpenAI Hindistanda uly maglumat merkezini gurmagy meýilleşdirýär. Ol ýurtda iň ulularyň biri we Aziýada emeli aň infrastrukturasyny ösdürmekde möhüm ädim bolup biler diýip, Bloomberg agentligi habar berýär. Çeşmeleriň maglumatlaryna görä, kompaniýa azyndan 1 gigawatt kuwwatly desganyň gurluşygy üçin ýerli hyzmatdaşlary gözleýär...