ABŞ we ÝB söwda ylalaşygyny gazandy. Ýewropa ýurtlary üçin gümrük paçlary 15% bolar

  • 30.07.2025 14:43
  • 5.8k+

ABŞ bilen Ýewropa Bileleşigi söwda şertnamasyna gol çekdi. Onuň şertleri boýunça Waşington Ýewropa harytlarynyň, şol sanda awtomobilleriň importy üçin gümrük paçlary 15%-e çenli azaltdy. Bu barada ABŞ-nyň Prezidenti Donald Tramp Şotlandiýada Ýewrokomissiýanyň başlygy Ursula fon der Lýaýen bilen duşuşykdan soň žurnalistlere aýtdy diýip, Bloomberg habar berýär. 

Onuň aýtmagyna görä, ÝB ABŞ bilen söwda üçin öz bazarlaryny paçsyz açmaga hem-de ABŞ-dan 750 mlrd dollarlyk energiýa göterijilerini satyn almaga razy boldy. Mundan başga-da, Brýussel amerikan ykdysadyýetine “öňküsinden 600 mlrd dollar köp” maýa goýar (CNN). Şeýle-de, ÝB “uly mukdarda” amerikan harby enjamlaryny satyn almak barada ylalaşdy.
Ýewrokomissiýanyň başlygy ylalaşygyň gazanylandygyny tassyklady. Bloomberg-iň maglumatlary boýunça, şertnama ÝB-e 1-nji awgustdan amerikan tarapyndan 30% möçberde gümrük pajynyň girizilmeginden gaçmaga mümkinçilik berer.
Şol bir wagtyň özünde, ÝB-den ýarymgeçirijiler üçin paçlar baradaky çözgüdiň ýakyn hepdede bolmagyna garaşylýar.
Ozal ABŞ Ýaponiýa bilen söwda şertnamasyny baglaşdy. Onuň şertlerine görä, ýapon harytlary, şol sanda awtomobiller üçin gümrük paçlary 15% bolar, muňa jogap hökmünde ýapon tarapy ABŞ-nyň ykdysadyýetine 550 mlrd dollar maýa goýmaga borçlandy.
2025-nji ýylyň birinji ýarymynyň jemi boýunça, ABŞ-da täze awtomobilleriň satuwy 3,9% ýokarlandy. Şu ýylyň ýazynda Tramp tarapyndan girizilen import paçlary eýýäm bazaryň gurluşyna täsir etdi: bahasy 30 müň dollara çenli bolan ulaglaryň satuw paýy düýpgöter azaldy.
Paçlar Ýewropanyň awtoöndürijilerine hem täsir etdi. Mysal üçin, Volkswagen-iň girdejisi 0,3% - 158,4 mlrd ýewro çenli azaldy, operasion girdeji bolsa üçden bir – 10-dan 6,7 mlrd ýewro çenli pese gaçdy. Bu kompaniýanyň ýarym ýyllyk hasabatyndan gelip çykýar. Konserniň hasaplamasy boýunça, amerikan import paçlary Volkswagen-e 1,3 mlrd ýewro düşdi. 


28.07.2025 18:23
3.8k+

NASA-nyň her bäşinji işgäriniň işden boşadylmagyna garaşylýar

ABŞ-nyň Milli aeronawtika we kosmos giňişliginiň barlaglary dolandyryş gullugy (NASA) 3870 töweregi işgäriň işden çykarylýandygyny habar berdi, bu bolsa işgärleriň umumy sanynyň 20%-ini düzýär. Şolar işden aýrylandan soň agentligiň işgärleri 18 000-den 14 000 adama çenli azalar...

25.07.2025 11:36
2.9k+

AstraZeneca nyrh howplary sebäpli ABŞ-a 50 milliard dollar maýa goýmak kararyna geldi

Britaniýanyň iri derman kärhanasy bolan AstraZeneca 2030-njy ýyla çenli ABŞ-nyň ykdysadyýetine 50 milliard dollar maýa goýmagy meýilleşdirýändigini mälim etdi. Bu serişdeler Wirjiniýada täze derman öndürýän zawod gurmaklyga we Meriländ, Massaçusets, Kaliforniýa, Indiana we Tehas ştatlarynda ylmy-barlag işlerini giňeltmeklige gönükdiriler...

23.07.2025 15:18
9.2k+

ABŞ ÝUNESKO-dan çykýar. Nobatdaky gezek.

Donald Tramp ABŞ-nyň BMG-niň Bilim, ylym we medeniýet meseleleri boýunça guramasy ÝUNESKO-dan çykmagy barada çözgüt kabul etdi. Bu barada 22-nji iýulda ABŞ-nyň Döwlet departamenti habar berdi. Häkimiýetler öz çözgüdi barada guramanyň baş direktory Odre Azuleni habardar etdi, ýurt 2025-nji ýylyň 31-nji dekabryndan onuň doly hukukly agzasy bolmagyny bes eder...

23.07.2025 14:32
9.3k+

Trampyň maşgalasynyň kompaniýasy bitkoine we beýleki kriptoaktiwlere $2 mlrd maýa goýdy

ABŞ-nyň Prezidenti Donald Trampyň maşgalasy tarapyndan gözegçilik edilýän Trump Media & Technology Group (TMTG) kompaniýasy 2 mlrd dollarlyk bitkoin we beýleki kriptowalýuta aktiwlerini satyn alandygyny habar berdi...