Orta agramda UFC-niň çempiony Hamzat Çimaýew täzelenen Pound4Pound (P4P) reýtinginde dördünji orny eýeledi. BAE-den ýeňilmedik söweşiji UFC 319 ýaryşynda geçirilen titul söweşinde GAR-yň wekili Drikus dýu Plessiden üstün çykandan soň birbada 10 orun ýokary galdy.
31 ýaşly Çimaýew garşydaşyny emin agzalarynyň biragyzdan karary bilen ýeňdi.
Dýu Plessi, öz gezeginde, titulyny elden gidirenden soň, reýtingde ýedi orun ýitirip, 11-nji orunda ýerleşdi.
Agram kategoriýasyna garamazdan iň gowy söweşijileriň sanawynyň başynda henizem ýeňilmedik ispan-gruziýaly söweşiji we ýeňil agramda çempion Iliýa Topuriýa ýerleşýär. Ikinji orny russiýaly Islam Mahaçew, üçünji orny iň ýeňil agramda çempion Merab Dwalişwili eýeleýär.
